嘉頓咖啡店

營業中

休息中

睇電視知道嘉頓廠要重建，之前想食嘉頓餐廳未試，所以要喺佢重建前來試一試佢。冇book位，來到要等十分鐘左右。入到去都幾大，係員工飯堂feel. 其實上左來都仲有好多位，唔明點解要喺下面等，可能唔夠人手🤔。麵包應該係新鮮整既，熱熱地，有芝麻味，幾特別。呢個喇沙有少少辣，個湯底都幾好，但啲餸唔夠入味，尤其係豆卜，冇索到啲喇沙汁。豆卜索左喇沙汁係好重要，可惜呢度做唔到。西冷牛扒配薯菜要等20分鐘左右，味道好普通，冇咩特別。最後會有甜品，桂花糕一件，都係普普通通啦😂。總括而言，為體驗而食，味道方面一般般，性價比唔高，如果想輕輕鬆鬆慢慢咁享受午餐，可以來試一試。