Sweet Monster (已結業)

好耐之前幫襯過朗豪坊的分店。果時試左焦糖爆谷雪糕，叫中杯都夠2個人share，好多爆谷食到低都仲有，所以我覺得對得起27蚊呢個價。今日行過APM又見到呢間店，決定要回味一下，因為覺得上次既焦糖味太甜，所以今次簡左士多啤梨味爆谷。淡淡既粉紅色，真系好睇又好食。個人覺得士多啤梨比焦糖味更好食，食落脆脆地好似某大型快餐店既新地咁～脆脆地既爆谷右上又凍又滑滑既雪糕好夾呀！單食爆谷可能會好甜、但連埋雪糕又覺得岩岩好～不過行開行埋都唔覺好多人幫襯，唔知為唔為到本交租呢雖然我仲想貪心少少，有得坐系度食就最好啦