果言 (已搬遷) 新店位置

中環街市新開就約埋朋友一齊去打卡朝聖😛因為撘巴士過黎要行一段路，行到身水身汗又口渴之際係紅燈籠門口一入就見到"果言"😂😂見到都多人排隊就諗都冇諗就買咗杯嘢飲巨峰提子梳打🍇🍇🥤🥤啲梳打水超夠氣，係夠氣到有種吉吉地嘅感覺👍🏻👍🏻我就十分喜歡💕個糖漿同梳打水嘅比例個人覺得啱啱好，成杯野唔會太甜又夠大杯好解渴，夏日熱辣辣都幾啱飲！見到鋪頭仲有啲無糖茶，水果茶都好吸引，如果下次再去都想試下！