影片
更多
2023-07-07
179 瀏覽
今日放工同同事去旺角食晚餐，大家都好耐冇打邊爐，於是就去咗呢一間度食！超多選擇，仲有好多唔同嘅自助區！甜品飲品，前菜同埋打邊爐嘅配料都有好多種類！首先，攞咗飲品先，見到好多梅酒、清酒、白酒任飲，梗係要飲番幾杯啦！🍺前菜方面，有好多特色嘅開胃小菜。例如有泡菜蘿蔔，中華沙律同埋蒜香螺肉，都係一啲我最愛開胃小菜😋湯底方面，我就揀咗椰子雞湯，因為我哋幾個都唔係好食得辣。呢個湯底就啱晒我哋，夠清甜！而牛肉方面有黑毛和牛同美國牛肩胛肉，都好重牛味！😋最有特色嘅就係佢呢度有乳鴿任食，好少放題有乳鴿食😆其實乳鴿都係我最愛嘅食物之一😋炸到脆卜卜！肉質食落又唔會好乾身！甜品方面，仲有三色芋圓，呢個值得推介，因為佢有好多唔同嘅配料喺入邊！甜得來又夠清熱。以雪糕方面仲有我最鍾意食嘅Häagen-Dazs！超級抵食
今日放工同同事去旺角食晚餐，大家都好耐冇打邊爐，於是就去咗呢一間度食！超多選擇，仲有好多唔同嘅自助區！甜品飲品，前菜同埋打邊爐嘅配料都有好多種類！
首先，攞咗飲品先，見到好多梅酒、清酒、白酒任飲，梗係要飲番幾杯啦！🍺
前菜方面，有好多特色嘅開胃小菜。例如有泡菜蘿蔔，中華沙律同埋蒜香螺肉，都係一啲我最愛開胃小菜😋
湯底方面，我就揀咗椰子雞湯，因為我哋幾個都唔係好食得辣。呢個湯底就啱晒我哋，夠清甜！
而牛肉方面有黑毛和牛同美國牛肩胛肉，都好重牛味！😋
最有特色嘅就係佢呢度有乳鴿任食，好少放題有乳鴿食😆其實乳鴿都係我最愛嘅食物之
一😋炸到脆卜卜！肉質食落又唔會好乾身！
甜品方面，仲有三色芋圓，呢個值得推介，因為佢有好多唔同嘅配料喺入邊！甜得來又夠清熱。
以雪糕方面仲有我最鍾意食嘅Häagen-Dazs！超級抵食
張貼
