新沙洞大排檔 (大政街)

營業中

休息中

屋企附近呢間新沙洞大排檔最近好有人氣，呢日近近地去咗試吓。餐廳裝修超靚，每個角落都係打卡位，完全神還原韓國嘅大排檔，仲要有室內同室外位置，好有feel！ 宮廷燉牛肋骨鍋（ $268）一鍋有四大件牛肋骨左右，每件都燉至軟腍入味，配菜嘅栗子、紅蘿蔔、白蘿蔔、紅棗等，吸收牛肉嘅鮮味，甜甜地。新沙洞炸雞半份 - 甜辣味($88)炸雞有三款口味選擇，揀咗甜辣味。醬汁調味唔錯，甜甜辣辣，好惹味。雖然揀咗半份，但份量都唔少，炸雞外皮唔算香脆，但肉質嫩滑。辣豬肉紫菜飯卷（$68）紫菜飯卷餡料豐富，有雞蛋、醃蘿蔔、蘿蔔絲等等，五顏六色，賣相吸引，食落仲有濃濃嘅麻油香！ 不過豬肉比例就比較少。黑糖蜜黃豆粉麻糬刨冰（$68）好耐冇食過韓式刨冰啦！有得食好開心！刨冰好大份，黑糖蜜甜度剛好，而且淋得平均，食到底都有味。麻糬粒因為直接擺上冰面，口感就唔夠軟糯，略為失望。刨冰都較為粗身，如果幼滑d會更好!！草莓牛奶配蜂巢特飲(2人份$88)非常韓式嘅飲品，不過牛奶並唔係士多啤梨味，而係原味牛奶加入原粒蜂蜜 ， 並以士多啤梨為裝飾。