蒲頭島 (已結業)

開始轉涼，又係打邊爐既時候喇！今日等埋朋友收工就專登走去飲食雜誌介紹過既任食火鍋店試食一下。入到去都就快九點但都仲好多人等位，等咗大約半個鐘先入到去。入到去坐咗四人位，好闊落，望到佐敦尖沙咀街景環境好舒服。fb 有啲專業介紹所講既送煙霧cocktail其實係一舊出煙既野送兩支糖水，個試管狀器皿又有啲舊咁，覺得無謂。我地加咗38蚊叫鴛鴦湯底，一邊麻辣一邊人參白玉鍋，麻辣味道ok但的確唔太辣，人參鍋太淡，完全比下去，加湯既時候好似加滾水咁，加完仲淡咗😅個人最欣賞係有烏龍茶飲同醬料吧好多選擇，芥末豉油泰式酸辣乜都有。對於重口味既朋友黎講應該係吸引既。料唔算多，不過有啲得意野例如釀魚肉啊釀蝦滑之類，我係好鍾意既，不過我既重口味friend就麻麻地滿意喇因為佢最愛既肉類同海鮮都唔多係自助區搵到既。有啲帶子不過細粒，咬落口都冇咩鮮味。值得一提係我第一次發現邊爐配燒賣原來好好食！！！呢度既燒賣好彈牙，拍得住出面燒賣皇啊埋單計數每人兩百幾蚊食到飽，其實個人覺得係幾抵食既，啲料同個湯都ok，我最鍾意都係個環境好好坐。不過係之前出面啲post介紹得有少少誇張講到人間天堂咁，帶我黎既朋友有少少失望。