惠 (已結業)

政府又有新措施，夜晚又禁咗堂食，但係都唔會影響到我要食好嘢嘅心情嘅，所以今日下午嘅時間就去咗灣仔嘅呢一間惠❤️呢一間餐廳主打都係omakase！全部菜式都係由廚師精心挑選當日最新鮮嘅食材去烹調！真係非常期待！Lunch time嘅時間有兩個套餐可以揀，我自己就揀咗可以有12件壽司嘅呢一個套餐！套餐仲包括左有前菜，茶碗蒸，甜品！非常豐富！有好多唔同款式嘅壽司都非常新鮮！而且賣相都好精緻好靚！全部一啖擺入口嘅時候都有一種好滿足嘅感覺！我特別鍾意嘅就係呢一個大拖羅😆呢一度嘅大拖羅真係非常肥美，好飽滿！油脂嘅味道真係融入口腔！非常滑溜！令人唔捨得沖淡嘅味道！另外都好特別嘅就係呢一個三文魚子壽司，呢度嘅三文魚子好大粒，而且鮮甜味好強烈！可以話係我食過最鮮甜嘅三文魚子！當然唔少得要講吓嘅就係呢一度嘅蜜瓜！作為甜品，呢一個蜜瓜真係非常清甜！真係好多汁好好食！