酷廚 (已結業)

昨天約了朋友仔係荔枝角食晚飯，住港島的我好似大鄉里都唔知泥頭有咩好食，朋友就帶我去左D2二期1/F食KOOL。原來餐廳新開業兩星期，晚餐餐牌選擇唔多，不過最緊要精同好食！點左個招牌傳統芝士牛肉Burger，個Burger基本上有頭到腳都係䁔䁔地!先講麵包，外脆內軟。牛肉漢堡，煎得外脆，鎖住肉汁，我食落去感覺係自家搓，唔係雪藏個d得肥油既漢堡！Juicy得不太膩！最讚嘅地方係中間夾住牛油果同蕃茄他他醬，有少少醋味，開胃得嚟又好中和肉的油脂！感覺是足料得嚟會想下次encore。仲有仲有！想食burger但又怕滯又想keep fit嘅女士，伴碟除左有沙律菜之外，仲有黑醋洋蔥，酸甜酸甜的，開胃！等其他朋友期間，點了3個小食:紫菜脆皮雞、牛油果他他醬多士、芝士肉醬薯條。最特別的係紫菜脆皮雞，新鮮炸起，紫菜包住雞條炸，味道很夾！(ps. 這個因為當時很餓沒有拍照！)