119
16
9
港鐵荔枝角站 D2 出口, 步行約2分鐘 繼續閱讀
電話號碼
35720051
營業時間
今日營業
11:30 - 21:30
星期一至日
11:30 - 21:30
付款方式
Visa Master 現金 八達通
座位數目
90
其他資料
Wi-Fi
酒精飲品
切餅費 詳細介紹
泊車
電話訂座
外賣服務
電視播放
食評 (167)
等級4 2019-04-03
3633 瀏覽
今日同呀媽去荔枝角逛逛,順便係呢頭食埋晚餐,之前係D2 place食過呢間知道佢間中會換菜式,所以就再去食。佢門面好大一邊會見到個廚房一邊就係枱櫈,環境唔錯,幾有格調。我地嗌左一個意粉,兩個小食share。我地想食泰式香辣蒜片欖油鮮蜆扁意粉,但呀媽唔係好食到辣,所以問服務員可唔可以叫個廚師唔好整咁辣,結果個辣既程度係唔食得辣既人都接受到。至於味道方面都幾出色,意粉同蜆都有少許辣味配上蒜同欖油既味道,好match,而且意粉非常煙韌,唔會淋batbat,呢個煙韌度係平時好少食到,值得一試。之後黎既係酷廚素春卷,上菜個時以為係紙卷,但問下先知原來係越式春卷黎。一直都以為係炸春卷,點知原來唔係,呢個素春卷好特別,好似紙卷咁,入面主要有蔬菜、青瓜、紅蘿蔔,食落覺得幾新鮮又健康。個醬汁係有少許辣,如果覺得蔬菜太單調可以點黎調下味。最後到既係酷廚牛油果軟殼蟹米紙卷,本身無諗住嗌既,不過服務員話係呢期新出既所以就叫黎試下。可能我無乜食過牛油果既味道,所以同我預期有d出入,不過我呀媽就覺得ok既,外層個米紙卷幾煙韌。呢期好似係越式既食物,過一排可能又會轉,不過唔記得意粉款式會唔會轉。走個時睇到佢地有呢個單張,原來可以提供場地租用,想搞party可以考慮下呢度。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-26
404 瀏覽
話說舊同事推介我黎依間餐廳試試,話佢既漢堡同意粉都幾高質,所以今日Lunch一於黎試下!餐廳裝修算係走工業風,食客要先去收銀落單,再拎個鐵牌搵位置坐低。一睇佢既餐牌,西式泰式都有,最後嗌左墨魚仔炒扁意粉,午餐免費配埋熱飲,仲可以揀柚子蜜!朋友嗌左個豬肋骨比我更快上菜,佢就話肉質比較鞋同唔夠入味,不過豬肋骨底下既粗薯條就外脆內軟,而且好有薯味,算係挽回少少分數!終於等到我既墨魚仔炒扁意粉,墨魚仔食落好彈牙而且無雪味,扁意粉咬落都好彈牙,蒜香味好重,食落完全唔覺油,唔算乾身,食落帶少少汁醬,整體味道唔錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-20
312 瀏覽
同朋友夜晚嚟咗呢間食晚飯,貪佢環境夠闊落同埋坐得舒服,餐單有兩款,其中一張主要係晚餐嘅套餐,第二章呢就係小食嘅~我自己呢就叫咗一個帶子龍蝦汁闊意粉,龍蝦汁味道唔錯,幾香滑,帶子煎得亦都有香味,整體都幾滿意,呢個係套餐嚟嘅,所以就配左一杯嘢飲,我揀咗紅棗茶,都唔錯。不過奇怪就係,呢間本身係西餐,但係竟然冇漢堡嘅套餐,只係喺小食嗰個餐單度搵到幾款漢堡嘅選擇,但職員都話係唔跟餐嘅冇嘢飲,問佢有冇配薯菜,職員都好似唔係好答得出,但係朋友都照嗌左,最後好在都係有嘅!整體來講,我覺得餐廳環境都坐得幾舒服,成個氣氛都幾relax,但係個問題就係,餐廳嘅冷氣開得太凍,而員工嘅training都好似不足,有進步既空間 繼續閱讀
(以上食評乃用戶個人意見 , 並不代表OpenRice之觀點。)
等級3 2019-06-24
668 瀏覽
在D2 Place二期找地方吃午餐,第一次光顧這店。我們入座後,侍應送上餐牌,並說選好食物後要自行到門外排隊付款。付款後收銀員會給你收據和一個金屬號碼牌,其後服務員就會把食物送到你的桌上。我們點了以下食物:紅酒燴牛肋條飯:牛肋條煮得夠軟,但味道只屬一般,沒有驚喜。香蒜墨魚仔扁意粉:味道不錯,但扁意粉煮得過軟,另外只有四隻墨魚仔,似乎少了一點。飲品我們點了熱檸檬茶和熱柚子蜜,味道也是意料之內。這店的食物水準一般,但店內的裝潢可以見得是花了一點心思的,牆上掛了不少畫,風格清新。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-23
414 瀏覽
越南野同泰國嘢食得多,兩樣溝埋都食過,不過加多個西式食法就真係第一次了。炸雞翼新鮮炸得好香脆又保存到肉汁,上面仲有少少鹽調味,值得一試。水牛辣汁雞翼食完炸雞翼好想Encore,又想試新野就點埋個水牛城雞翼(我承認是雞翼控)😂,呢個味道比較濃味,雖然冇上面炸雞翼咁香口,但勝在個辣汁夠開胃唔太辣,算係個幾稱職嘅前菜。蒜片蜆肉意粉CP值高,蜆肉同意粉份量比平時多而蒜蓉份量啱啱好,沒有蓋過蜆肉原有嘅鮮味,扁意粉好有咬口,抵食👍🏼龍蝦汁帶子意粉帶子雖然得兩隻但勝在多汁,龍蝦汁覆蓋嘅意粉𥚃面仲有小蘑菇進一步吸收帶子同龍蝦汁,真係汁都可以撈埋!芝士奶蓋朱古力不算是最好嘅奶蓋,但夠大杯同多芝士!紅棗茶啱女仔飲,你懂的😏 繼續閱讀
(以上食評乃用戶個人意見 , 並不代表OpenRice之觀點。)