嶺南會所

營業中

休息中

已經唔係第一次嚟，欣賞佢哋嘅食材新鮮，今次試咗「爵士湯」，好清甜，啲湯渣差唔多食晒，估唔到個蜜瓜煲完湯之後，仲會咁甜☺️「話梅豬手」，酸酸甜甜好好食，啲豬手好林，又好大舊，好足份量。「清酒鹽焗馬友」，第一次食鹽焗煮法，出嚟嘅效果又好好，第一次食魚，會清晒所有魚肉😂「炸子雞」，香口，雞肉滑嫩。炒個菜芯，唔使特別驚喜，靚材料就已經好好味。最後揀咗「雪糕涼粉」，「紅豆沙」做甜品。服務方面真係唔使講， 10分周到，主動換碗碟，主動加熱水，有態度，有服務。