L.D.K. by Ufufu Café (德福廣場) (已結業)

今日同男朋友晚飯都想試新既野，經過德福就諗起呢間未食過，雖然開左都一段日子，但都未試，就黎試一試。可能入座時間都比較晏，差唔多八點九、九點，所以等左侍應執一執枱就有位。餐牌其實好多選擇，鐵板、烏冬、咖哩飯、蛋包飯、總有好多甜品。今次簡左鐵板同烏冬。 鐵板既鵝肝好有溶既感覺 ，好濃。和牛漢堡都驚佢好乾唔juicy 但都做得好好明太子烏冬 好濃好滑，鐘意食明太子既一定要一試。至於杯拿鐵，茶味相當濃郁。有附額外糖水但我地冇特別落，鐘意茶夠濃味。紅豆同白玉就不過不失。整體環境食物都唔差，會再黎試試其他野同埋睇下好多枱都叫既芭菲會唔會都有驚喜。