影片
更多
2022-01-15
402 瀏覽
「因為老公無帳號，代佢出個食評」以下係我老公既體驗虹橋區一間新開的店，之前初試業時，已經有去食過，真心好前街既丸京。食拉麵好多年，我係好中意食拉麵，食過好多間，但都推介呢間，原因？因為佢地用心去，會聽食客意見調整食材，試過之前有一晚去食，佢拉左閘唔做生意，佢地唔係傳流東京老派，大大舊叉燒，咸到死既湯底，反而慢煮肉走清新路線，我覺得好好食，當然，份量同傳統底有分別，但其實真正拉麵，係預你飲埋D湯。其實我覺得份量都適中，岩岩好。近幾年好多拉麵都係慢煮派，不再絕對濃湯粗麵等等，但其實越薄既叉燒係越難整，但好多都整得好難食。食過幾次，雖然唔係每次都記得影相。今次推介兩款我愛既。一個係清湯醬油拉麵。(第一次）佢既流心蛋都幾好食架（第二次）佢地為求保溫效果更好，令麵更好食，專登搵日本碗，換過晒之前既碗，睇到佢地小小地方既用心，我好欣賞。(好味！！)前後食過兩次，一次係佢地初開鋪，醬油咸味重d, 之後佢地綜合過客人意見，就食材再調整，第二次 食，煥燃一新，清新得黎保留醬油味，魚介味 兩者好夾，我係醬油怪，我都好接受呢碗，無論你鍾唔鍾意醬油拉麵都好，都可以試下 。「追加叉燒肉」其中有一次係食原味濃拉麵
以下係我老公既體驗
虹橋區一間新開的店，之前初試業時，已經有去食過，真心好前街既丸京。食拉麵好多年，我係好中意食拉麵，食過好多間，但都推介呢間，
原因？因為佢地用心去，會聽食客意見調整食材，
試過之前有一晚去食，佢拉左閘唔做生意，[要調整食材，請見諒]
佢地唔係傳流東京老派，大大舊叉燒，咸到死既湯底，
反而慢煮肉走清新路線，我覺得好好食，當然，份量同傳統底有分別，但其實真正拉麵，係預你飲埋D湯。
其實我覺得份量都適中，岩岩好。
近幾年好多拉麵都係慢煮派，不再絕對濃湯粗麵等等，但其實越薄既叉燒係越難整，但好多都整得好難食。
食過幾次，雖然唔係每次都記得影相。今次推介兩款我愛既。
一個係清湯醬油拉麵。
(第一次）
佢既流心蛋都幾好食架
（第二次）佢地為求保溫效果更好，令麵更好食，專登搵日本碗，換過晒之前既碗，睇到佢地小小地方既用心，我好欣賞。
(好味！！)
前後食過兩次，一次係佢地初開鋪，醬油咸味重d, 之後佢地綜合過客人意見，就食材再調整，第二次 食，煥燃一新，清新得黎保留醬油味，魚介味 兩者好夾，我係醬油怪，我都好接受呢碗，無論你鍾唔鍾意醬油拉麵都好，都可以試下 。
「追加叉燒肉」
其中有一次係食原味濃拉麵
油度適中，食落唔油，湯低唔係傳統咸底，我覺得幾易入口，佢肉同魚介味 整體上都平衡，唔係好肉味重既。
(因為我鍾愛醬油底），但都會偶然食其他。佢仲有其他款，我會慢慢試
之後因為政府宣佈 要禁夜市，佢地初開鋪就面對困難，佢地堅持唔做拉麵外賣，我問佢地原因，好簡單，想客人食到一碗新鮮出黎既，而外賣返去變得未必好食，堅持留最好既味道。
最後佢地試作左 一個夜晚外賣用既 飯類，當然，我為左支持小鋪，同埋佢真係有心做拉麵，我都唔想佢地咁快頂唔住。
面對 條街有間大既丸京，老實，唔好用丸京同 以前赤橋黎比啦，你問我，我食完我就唔會再去丸京，至少好味過佢地先。
日式咖喱豬扒飯
飯，清湯，咖喱汁，同豬扒。
我好中意佢 配菜，酸洋蔥好好味，
咖喱係牛底，所以牛肉味會偏重，少少辣，好野味。
始終我拎返上去屋企焗住，炸皮都變淋左，所以食落去粉變厚左而搶多左味，
但佢豬扒炸得好好，好軟好多汁！整體上 佢地初整都可以咁好味真係唔錯。
最後 啪返碗佢地既清湯，爽呀！！
總括黎講，佢地仲有進步空間，至少，我中意佢地願意 研究，聽客人意見，再調整，用心專注咁去做。
香港小店經營困難，由其係而家呢段時期，好希望呢類用心做既小店，可以一直有得做。
大家去食完有意見，可以同兩個老細講架，佢地都好nice 架。
張貼
