影片
更多
2019-04-14
28 瀏覽
要喺中環搵好野食，唔難。但係要喺中環搵一間好食得黎又抵食既餐廳，實在唔容易。好記得之前喺中環返工既時候，食lunch成日都俾d態度惡劣既阿姐指指點點。個人都係比較鐘意幫襯小店，而「一起食堂」就係其中一間新開既小店。餐廳位處於中環既正中心，恆生總行既對面，所以方便易找。門外既設計特別，而且名字有趣，所以就吸引佐我入內啦。店內燈光比較昏暗，有D情調，以木系裝潢為主。餐牌簡潔，聽店員說，餐廳會定期更新餐牌，務求讓客人有耳目一新既感覺。炸池魚仔 $48呢款小食幾得意，即炸池魚仔，份量好多，加D檸檬汁，再配沙律醬，等緊主食黎時候用黎止一止牙痕好正。肉燥燙青菜 $28肉燥青菜係我食台灣菜必點既，用黎中和下D肉類 (牛肉)。份量同樣夠多，大大碟，肉燥怖滿成碟。紅燒牛肉麵 $88牛肉麵個湯底甜度比較重，可能係因為加佐紅蘿蔔既關係，帶少少既辣度。紅燒牛肉好厚身，已經炆到好腍身，D肉味迫哂出黎，無乜肥既部位，食落好juicy。麵條有D似烏冬既texture，食落有咬口感。三色海鮮茶漬飯 $108三色海鮮包括了蟹肉，廣島蠔，同埋鯛魚。茶滇飯上面灑上了紫菜，湯底好清，帶海鮮既鮮甜味。廣島蠔好大隻，食落好滿足，
但係要喺中環搵一間好食得黎又抵食既餐廳，實在唔容易。
好記得之前喺中環返工既時候，食lunch成日都俾d態度惡劣既阿姐指指點點。
個人都係比較鐘意幫襯小店，而「一起食堂」就係其中一間新開既小店。
餐廳位處於中環既正中心，恆生總行既對面，所以方便易找。
門外既設計特別，而且名字有趣，所以就吸引佐我入內啦。
店內燈光比較昏暗，有D情調，以木系裝潢為主。
餐牌簡潔，聽店員說，餐廳會定期更新餐牌，務求讓客人有耳目一新既感覺。
炸池魚仔 $48
呢款小食幾得意，即炸池魚仔，份量好多，加D檸檬汁，再配沙律醬，等緊主食黎時候用黎止一止牙痕好正。
肉燥燙青菜 $28
肉燥青菜係我食台灣菜必點既，用黎中和下D肉類 (牛肉)。
份量同樣夠多，大大碟，肉燥怖滿成碟。
紅燒牛肉麵 $88
牛肉麵個湯底甜度比較重，可能係因為加佐紅蘿蔔既關係，帶少少既辣度。
紅燒牛肉好厚身，已經炆到好腍身，D肉味迫哂出黎，無乜肥既部位，食落好juicy。
麵條有D似烏冬既texture，食落有咬口感。
三色海鮮茶漬飯 $108
三色海鮮包括了蟹肉，廣島蠔，同埋鯛魚。
茶滇飯上面灑上了紫菜，湯底好清，帶海鮮既鮮甜味。
廣島蠔好大隻，食落好滿足，而鯛魚亦都已經去哂骨，容易處理。
芋圓燒仙草 (熱) $35
甜品有我最鐘意既芋圓，比較特別既係呢碗熱既芋圓燒仙草，仙草係呈湯狀既，有D似飲耿4芋圓甜湯。
但當仙草湯慢慢變涼後，佢又會開始有少少凝固。
好似D湯嘆凍佐面頭層油咁。
當然佢就唔係油黎既，係仙草，感覺幾有趣。
芋圓有幾隻色，黃色啦，白色啦，紫色啦，很有咬口，黏黏韌韌，好好味。
仙草冬瓜茶 (凍) $12
桂花雪梨茶 (熱) $12
飲品方面，本來想飲珍珠奶茶，但係原來餐廳無得賣，所以就揀佐款清熱之選 - 仙草冬瓜茶。
仙草同埋冬瓜都係涼既，所以夏天飲真係一流，特別係我呢類熱底既人，清一清熱。
佢既兩杯飲品都唔會太甜，我地唔記得佐叫少甜，但係個甜度都控制得好好。
張貼
