養心殿台式養生鍋 (已結業)

今個星期日日都落大雨，無啦啦勁凍，最適合當然係去烚下烚下啦！難得打電話黎話唔使等位，即刻打的去開爐先！第一次黎呢間分店，燈光黑黑沉沉，加上身處地牢既，一坐低就好嘈，說實話坐得唔係幾舒服。落單後，好快就開始上菜，前後唔使15分鐘，已經成檯食物+湯都滾埋。揀左鴛鴦湯底－麻辣鍋+養生鍋，兩樣都係皇牌，所以味道唔多講。麻辣鍋唔係淨係得個麻味，成煲辣椒，睇見都正！仲可以免費多一份鴨血，夠入味而且唔腥，同台灣個Ｄ有得比。極上雪花肥牛－冇叫到最貴既手切牛肉，因為呢碟都已經好正，肥瘦分明，夠厚同埋入口即溶寬粉條－呢個特別推介，浸落麻辣湯度食，索哂味後超正！口感好ＱＱ，好特別即炸脆響鈴－食過最好味既響鈴！浸左湯都仍然好脆，兼且好大條，＄６８抵食！千層凍豆腐－我唔記得左湯底本身都好似有，所以食極都仲有哈哈炸芋頭－另一推薦！我平時唔點食芋頭因為覺得好粉好漏，但呢隻表面係炸過，所以有Ｄ脆脆地咁，好食手工丸類拼盤－價錢略貴，不過芝士牛肉丸好食呢度Ｄ分量好唔同，有Ｄ好大碟（如芋頭響鈴），有Ｄ又好少（如丸類），所以最適合一大班朋友黎開餐，可以試多幾樣呀！