泰濃麵 (樂道)

營業中

休息中

每一次孤獨食嘅時候，我都鍾意食拉麵，今次經過見到呢間泰濃麵，都幾符合我孤獨食嘅要求，入去試吓先。睇吓餐牌有咩好食，店員服務都好好，問我使唔使整杯碟豆花飲下，原來呢度有碟豆花，正。碟豆花加咗蜜糖同青檸，好飲，如果個蜜糖另上，可以比客人自己倒，睇住佢轉色，仲正！頂級安格斯牛肉冬陰功湯，湯底酸酸地小辣，好醒胃。牛肉唔會過熟，有牛肉味，唔錯！薯粉都好爽口彈牙，唔會索湯索到林晒。平時我唔係好鍾意食呢個秋葵，但煮完又冇嗰啲滑潺潺，同埋啲冬陰功湯癖左陣青草味。青木瓜沙律，青木瓜絲好爽口，呢個辣辣地，比起冬陰功湯再辣一啲，冬天食OK！