小胖台灣便當 (偉華中心)

營業中

休息中

好味足料台式外賣🥰成日見ig有人介紹小胖台灣便堂，好吸引，今日都去試吓先。餐廳就係沙田間百佳隔離，都幾大間，環境乾淨舒服，不過因為疫情，全日都係得外賣，冇得堂食，我哋叫咗兩個餐返屋企慢慢嘆。逢甲香烤豬軟骨，$72極力推介大家一定要試呢個豬軟骨，好好味，煮到好淋好入味，連啲軟骨都入晒味，就算外賣都完全唔會影響口感，值得一試👍🏻萬華網烤牛肉，$72牛肉呢個便當都好唔錯，牛肉燒好會切開一件件方便食，雖然比較瘦身，但係一啲都唔會覺得乾同柴，反而好香口。兩個便當都有啲菜、粟米同蛋，非常豐富☺️小食同嘢飲，套餐加$12另外一定要加$12轉套餐，多一個小食同嘢飲，我哋叫咗一份梅香脆地瓜，一份懷念鹽酥雞，我哋返到去有再用空氣炸鍋加熱，兩樣都香脆好味😋嘢飲都幾特別，有冷泡茶同熱金橘檸檬茶，都好唔錯。