影片
更多
2022-09-04
34 瀏覽
呢間金色不如帰係米芝蓮一星嘅過江龍拉麵，最出名貝汁拉麵，全港有四間分店。我地今日兩個人去左尖沙咀嗰間食左個lunch。佢地方都好方便，喺正地鐵站出口，店舖門口都係十分日本居酒屋既感覺，坐得都舒適。我見佢有做平日$188 lunch set,包一碗拉麵+一款小食+一杯飲品。不過我見佢set入面嗰兩款小食我都無咩興趣，所以我地都係散叫。🔶️ 貝汁鹽味拉麵 ($128，9 /10)佢有指引牌教大家點食呢碗貝汁拉麵，首先要用手捧住碗邊感受温度😂，之後聞一啖👃🏻，又飲一啖湯🥣，最後先食一口拉麵🍜😂😂。做完咁多野之後，我覺得個湯底真係非常非常非常非常有貝味！好鮮甜！！原來佢係用蜆湯+豬骨清湯+魚清湯做既湯底，佢有別於一般既日本拉麵湯底（比較油膩），佢呢個湯底真係好清好鮮甜。我差不多飲左成碗湯，我之後都冇口渴感覺，讚👍🏻。佢既拉麵亦同一般拉麵唔同，佢比較滑身爽口，有少少似蕎麥麵。另外佢有配牛肝菌油加黑松露醬，菇味加貝味，係好好味。😍唯中美中不足係碗麵有啲細同有啲貴😂，唔夠喉。🔶️白豚骨拉麵 ($115，7.5/10)呢個湯底濃味啲，有少少油膩感。豚肉係好好味既，不過個湯底一般。🔶️涼拌黑松露紋甲墨魚 ($
我見佢有做平日$188 lunch set,包一碗拉麵+一款小食+一杯飲品。不過我見佢set入面嗰兩款小食我都無咩興趣，所以我地都係散叫。
🔶️ 貝汁鹽味拉麵 ($128，9 /10)
佢有指引牌教大家點食呢碗貝汁拉麵，首先要用手捧住碗邊感受温度😂，之後聞一啖👃🏻，又飲一啖湯🥣，最後先食一口拉麵🍜😂😂。做完咁多野之後，我覺得個湯底真係非常非常非常非常有貝味！好鮮甜！！原來佢係用蜆湯+豬骨清湯+魚清湯做既湯底，佢有別於一般既日本拉麵湯底（比較油膩），佢呢個湯底真係好清好鮮甜。我差不多飲左成碗湯，我之後都冇口渴感覺，讚👍🏻。佢既拉麵亦同一般拉麵唔同，佢比較滑身爽口，有少少似蕎麥麵。另外佢有配牛肝菌油加黑松露醬，菇味加貝味，係好好味。😍唯中美中不足係碗麵有啲細同有啲貴😂，唔夠喉。
🔶️白豚骨拉麵 ($115，7.5/10)
呢個湯底濃味啲，有少少油膩感。豚肉係好好味既，不過個湯底一般。
🔶️涼拌黑松露紋甲墨魚 ($70，9/10)
有驚喜！涼拌加酸酸味味，好開胃！！墨魚十分十分彈牙同有膠質！
🔶️唐揚博多華味鳥 ($88，9/10)
呢個華味鳥都幾出名，枱枱都有叫。一碟有4粒，即叫即炸，好香口。入面舊雞好嫩滑好juicy，最中意係配埋嗰個芥茉醬汁，好好味！！不過平均$22／粒，少貴。
🍵紫蘇雙檸洛神花茶 ($38，5/10)
賣相一般，無特別，用茶包沖。
🍵黑糖薑紅棗牛蒡茶 ($35，5/10)
賣相一般，無特別，用茶包沖。
✏️總括黎講，貝味拉麵係好出色，但有少少貴。飲品可以再改善。
張貼
