214
35
10
港鐵尖沙咀/尖東站 L1 出口, 步行約1分鐘 繼續閱讀
所有分店 (4)
電話號碼
27358318
開飯介紹
來自東京的米芝蓮拉麵店品牌,主打以大蜆、豚骨、魚介三種純天然食材熬製而成的「貝汁湯頭」,入口鮮味突出。 繼續閱讀
附加資料
收費以四捨五入計算
營業時間
今日營業
11:00 - 22:30
星期一至四
11:00 - 22:00
星期五至日
11:00 - 22:30
*星期一至四截單時間: 21:30; 星期五至日截單時間: 22:00
付款方式
Visa Master AlipayHK 支付寶 現金 AE 銀聯 Apple Pay 微信支付 OpenRice Pay
其他資料
網上訂座
賞訂座積分
當面支付
以上資料只供參考, 請與餐廳確認詳情
有關獎賞計劃
食評 (278)
尖沙咀開咗金色不如帰後一直都未有機會去試,咁岩今日係附近收工,約埋個同事一齊去食拉麵!日本過江龍拉麵店,東京店更連續5年獲得米芝蓮一星!有一定信心保證!(辛)豚骨辛拉麵三層肉肥瘦分明,肉質軟淋入味~拉麵煙韌有咬口,唔會煮得過淋,軟硬適中,食落充滿口感!湯底夠濃郁,配上辛辣口味肉碎,啱哂鐘意重口味既我~(醬)貝汁醬油拉麵呢款拉麵係餐廳既推介之選!用上蜆湯、豬骨清湯、魚清湯三重湯底熬製而成,飲落有濃濃海鮮味,鮮香味濃~再加上牛肝菌粉及牛肝菌油點綴,令成個湯底另有一番滋味!朋友仲追加左溏心蛋同低溫叉燒。用低溫慢煮既方法去處理叉燒,令到叉燒比一般更加軟滑且唔會柴口,同時亦都充滿肉汁,好正!!一口芝士脆豚一層豚肉包裹住芝士,再裹上麵包糠去炸。一咬開啲芝士就已經爆曬出嚟。脆卜卜,好惹味! 繼續閱讀
(以上食評乃用戶個人意見 , 並不代表OpenRice之觀點。)
"金色不如帰"呢個名好特別聽過好多次, 但今日先真正第一次黎幫襯~~ 唔黎到都唔知, 原來餐廳由2019 至 2023 年連續五年獲得東京米芝蓮一星拉麵店殊榮, 唔怪之得咁出名平時好少食米芝蓮餐廳既我入到黎就特別期待丫!!!餐廳環境好大好寬敞 ,樓底又高, 空間感十足, 感覺高檔有氣派!!座位都有好多款, 包括car位, bar枱同普通位.....餐牌主打幾款拉麵, 另外都有丼飯, 小食.....今期好似有新產品"螃蟹湯拉麵", 一於試下先~~極旨螃蟹套餐 $198 (螃蟹湯拉麵+黃金蟹肉餃子) 每日限賣 50 份, 期間限定發售 3 個月螃蟹湯拉麵店家既螃蟹拉麵湯底堅持自家熬製而且不添加味精, 主要係用上自家製清雞湯, 加上大量原隻三星蟹蒸焗後秘製蟹湯, 再配以新鮮活紅蟹煉製蟹油, 務求俾到客人視覺及味覺新體驗咁話喎~~拉麵上枱後先品嚐一下螃蟹湯底, 果然.....真係好鮮蟹味 每啖都好似飲緊蟹既精華咁!!! 湯底非常濃郁而且鮮甜味美~~麵條方面就用上日本北海道上乘特製麵粉, 麵條屬於幼身, 口感幼滑, 唔係彈牙個種....黃金蟹肉餃子蟹肉與豚肉比例為 1:1, 內含自家製蟹醬~餃子皮皮薄柔軟, 一啖咬落去有滿滿既餡料~~餡料鬆軟得黎又有口感, 蟹肉鮮味突出貝汁醬油拉麵 $128湯底以大蜆熬製而成既秘製蜆湯, 混合豚骨湯及日本秘製醬油等食材熬製而成~~湯底入口清新, 微咸帶甜, 令人不自覺一啖一啖係咁飲飲完仲唔會口渴, 可見冇乜味精~~比目魚柚庵燒 $118柚庵燒做法係將魚泡係醬油, 清酒, 味醂以及加上柑橘類水果既醬汁中醃漬後燒烤~整塊比目魚都非常入味, 味道剛好唔會咸~~比目魚魚油豐富, 入口嫩滑juicy日本巨峰梳打汽水 $38巨峰味濃郁, 清甜可口~~日本白桃梳大汽水 $38白桃味道清新,  甜度適中 繼續閱讀
(以上食評乃用戶個人意見 , 並不代表OpenRice之觀點。)
等級4 2023-06-22
1656 瀏覽
拉麵真係時常都會想食既日本食品,而香港都有好多出名既過江龍!今次就試下呢間金色不如帰~呢間位於尖沙咀H zentre位置好方便 而裝修都好靚!見到依家有推薦既螃蟹湯拉麵,一於就試下啦~每日限量,好彩試到咋!再配埋黃金蟹肉餃子,就有呢個極旨螃蟹套餐$198呢個拉麵黎到就聞到好香既蟹湯香味,亦包含左蟹肉醬、火箭菜、酸奶油、鮮蟹油、蟹湯!一飲第一啖湯頭,已經覺得好正,蟹香味充滿味蕾,加上有檸檬又加一點清香,配埋酸奶油,真係大享受!而叉燒係薄切既,好好食~而拉麵最重要既麵底呢,我就好鐘意呢間煮到軟硬適中!見到我成碗湯飲曬就知幾正啦😆餃子係以黃金比例1:1結合蟹肉及豚肉,所以充滿蟹香味,好鮮味啊~貝汁醬油拉麵$128店員推薦呢個貝汁拉麵都係佢地店內名物,湯底用貝類熬煮,十分鮮甜!❤️比目魚柚庵燒$118朋友喜歡吃魚,所以見到呢個比目魚燒都要叫黎試下,又滑又無骨既比目魚,真係好岩我呢種懶人食🤣用柚子醃過既比目魚煎香得黎又有清爽既感覺!正啊~飲品我地叫左白桃焙茶$38同紫蘇雙檸洛神花茶$38 夏日炎炎飲返杯凍飲真係透心涼啊❤️🌞🌞 繼續閱讀
(以上食評乃用戶個人意見 , 並不代表OpenRice之觀點。)
知道呢間拉麵店🍜好耐,呢日同朋友👱🏻‍♀️一齊喺尖沙咀,配合天時地利人和🤣,終於有機會試吓啦🤩$198「極旨螃蟹🦀️套餐」包「螃蟹湯拉麵」同埋「黄金蟹肉🦀️餃子🥟」🤩「螃蟹湯拉麵」:餐牌咁樣形容「湯底選用自製清雞湯,加上大量原隻三星蟹蒸焗後秘製蟹湯,再配以新鮮活紅蟹煉製蟹油」;拉麵嚟到嘅時候即刻飲啖湯先,真係有濃郁蟹味非常鮮甜😋;放喺旁邊一小portion 嘅蟹肉醬尤其味濃🤩;仲有,呢度嘅拉麵係用小麥粉做,所以係 Soba Noodles 🍜 「黄金蟹肉🦀️餃子🥟」:餐牌咁樣寫「以1:1 黃金配方結合蟹肉及豚肉,啖啖蟹肉,滿滿鮮味」;真係味鮮,餃子🥟仲煎得好靚🤩$128「貝汁鹽味拉麵」:非常濃郁蛤蜊鮮味🤩;日式叉燒薄切,亦都好味😋$75「四季旬野菜沙律🥗」:材料有蓮藕、粟米、火箭菜、小蕃茄、紅心蘿蔔、枝豆、日式叉燒,材料豐富😋;蔬菜新鮮爽脆,簡單好食🤩$38「紫蘇雙檸洛神花茶(熱)」:甜甜哋幾好飲🤩$38「白桃焙茶(凍)」:唔係好甜,幾清新🤩 繼續閱讀
(以上食評乃用戶個人意見 , 並不代表OpenRice之觀點。)
天氣凍凍地,食拉麵嘅癮即刻出晒嚟,是晚收工就去咗尖沙咀呢一間好出名嘅拉麵店慰勞下辛苦工作一日的自己。.餐廳環境裝修好舒服,吧枱卡位都有,雖然我哋得兩個人但係都俾咗張幾大嘅卡位。暗黃嘅燈光,加上金屬面嘅桌子,成個感覺高級感滿滿。.同朋友一人叫咗一碗佢哋最經典嘅貝汁鹽味拉麵($128),額外再加配溏心蛋($15)、低溫叉燒(10g/片*3片-$15)、小唐菜(80g-$15)及燒豚肉叉燒小碗飯($58)黎一齊分享。.貝汁鹽味拉麵湯頭清甜鮮香,先淺嘗數口後,就開始大口大口食麵🍜,熱辣辣的的每一啖,令人暖上心頭,湯底裡面加入了白松露油,令鮮甜味中更添特色,加上彈牙麥香味重的麵條及半肥瘦豚肉,整體出色。另外,推薦大家必叫溏心蛋,甜度適中,流心度足,同拉麵好夾。.燒豚肉叉燒小碗飯亦無令人失望,兩款肉都嫩口無筋,肉味濃郁,加上醬油米飯🍚,高質。-餐廳:金色不如帰 地址:尖沙咀中間道15號H Zentre地舖 繼續閱讀
(以上食評乃用戶個人意見 , 並不代表OpenRice之觀點。)