深井陳記燒鵝 (業豐大廈) (已結業)

朋友生日，約好一齊同佢慶祝，朋友話想食燒鵝。諗諗下去到深井咁遠 ，不如搵間近近哋又出名㗎啦。上網搵搵下就搵咗呢間喺中環地點較方便 ， 大家無異議就一於去呢度啦~七點半左右到唔使等位即刻可以入燒鵝下庒 (即係例牌) - 講明係黎食燒鵝，梗係要嗌個燒鵝例牌啦 。呢間專門係食燒鵝嘅，質素當然係高， 燒鵝皮脆肉汁多， 夠曬香，正！ 食完仲想叫多一碟呀~沙爹粉絲牛肉煲 - 沙嗲肥牛煲個味唔係好似沙嗲，奇奇怪怪咁， 唔似平時中式酒樓煮嗰啲沙嗲肥牛粉絲煲~ 粟米斑塊 - 中規中矩正常啦，粟米石斑塊啱晒小朋友食~上湯芥蘭 仲叫左一碗米粉，兩個飯。個米粉啲上湯好好味， 差唔多想飲曬佢~另外要講下啲服務 ，啲夥計好好人，服務態度好好，雖然我哋冇叫嘢飲，阿姐都自動俾咗幾杯暖水我哋~朋友生日，我哋帶咗個蛋糕去，唔使比切餅費，佢哋仲借咗個打火機俾我哋， very nice！