影片
更多
2021-10-27
69 瀏覽
和匠好耐無食燒肉，早幾晚同老婆掉低左阿女比姐姐，就落街去搵燒肉。上網search左下，搵到呢間離佐敦站兩分鐘路程既和匠燒肉，見好多人話好有去左日本咁既感覺，就即管去試下。我地6點去到，係第一枱客。佢鋪面好簡潔整齊，的確有啲似去左日本既燒肉餐廳。坐低先睇吓餐牌，前盤叫左豆腐沙律同埋燒原條茄子。沙律菜好新鮮，例牌配埋胡麻醬食，非常開胃。燒茄子幾特別，雖然唔知係咩醬而且面頭仲有蝦米，但食落又幾特別幾好味。主菜我地揀咗二人前既『牛魔再現』同埋一份豬腩肉。『牛魔再現』有三款牛。首先係美國牛小排，如果中意食重牛味，呢款就啱晒。跟住係牛肉粒。牛肉粒牛味雖然無咁重，但食落有咬口又唔un 。最後就係重頭戲A4和牛，雖然佢唔係頂級既A5，但油脂一樣多，入口溶化。至於豬腩肉，如果同和牛比，當然比下去，但味道都唔差。最後覺得好似仲爭少少，叫埋三文魚籽海膽炒飯，食埋碗飯就啱啱好喇。值得一提既係，係燒肉嘅過程，店員都有過嚟講下啲肉既特色，仲不時幫我地燒，服務態度非常唔錯。
好耐無食燒肉，早幾晚同老婆掉低左阿女比姐姐，就落街去搵燒肉。
上網search左下，搵到呢間離佐敦站兩分鐘路程既和匠燒肉，見好多人話好有去左日本咁既感覺，就即管去試下。
我地6點去到，係第一枱客。佢鋪面好簡潔整齊，的確有啲似去左日本既燒肉餐廳。
坐低先睇吓餐牌，前盤叫左豆腐沙律同埋燒原條茄子。
沙律菜好新鮮，例牌配埋胡麻醬食，非常開胃。燒茄子幾特別，雖然唔知係咩醬而且面頭仲有蝦米，但食落又幾特別幾好味。
主菜我地揀咗二人前既『牛魔再現』同埋一份豬腩肉。
『牛魔再現』有三款牛。首先係美國牛小排，如果中意食重牛味，呢款就啱晒。跟住係牛肉粒。牛肉粒牛味雖然無咁重，但食落有咬口又唔un 。最後就係重頭戲A4和牛，雖然佢唔係頂級既A5，但油脂一樣多，入口溶化。
至於豬腩肉，如果同和牛比，當然比下去，但味道都唔差。
最後覺得好似仲爭少少，叫埋三文魚籽海膽炒飯，食埋碗飯就啱啱好喇。
值得一提既係，係燒肉嘅過程，店員都有過嚟講下啲肉既特色，仲不時幫我地燒，服務態度非常唔錯。
張貼
