影片
更多
2023-10-11
42 瀏覽
今日就朋友放工，去咗鰂魚涌尚潮樓度食晚飯。職員安排我哋兩個坐喺入門口後冇幾遠嘅獨立間開既餐枱。餐廳環境新淨光猛，乾淨企理。坐低冇幾耐，職員先提供四杯功夫茶同埋鹹酸菜俾我哋享用，清清口腔，開下胃。然後我哋睇完餐牌之後叫咗以下食物。頭抽鷹䱽魚片（$488/一客6片）：魚片好厚肉。頭抽香得來唔會太鹹，依然食到魚片嘅鮮味，頭抽同魚肉既味道好夾。師傅把握得火喉好好，令魚肉仍然可以保留肉汁。鵝三寶（$298/一客）：鵝三寶包括鵝肝，鵝腸同埋鵝片。鵝肝：真係好好奇師傅點整。質感好嫩滑。唔會有肥膩嘅感覺。呢個有驚喜。鵝腸：唔會好多肥膏，廚師應該係清潔方便下咗唔少功夫。質感爽脆，令人唔覺唔覺已經食曬。鵝片：烹煮嘅時間控制得不錯，唔會過鹹但又可以令鵝片入到滷水味，味道剛剛好。而且鵝肉嫩滑。豆腐：底下有幾塊豆腐。豆腐吸左滷水嘅味道依然食得出濃郁嘅豆香。亦望唔到有氣孔，唔會嚡烚烚。潮州魚蛋肉碎煮汕頭白（$228/一客）：呢個餸係將白魚蛋，娃娃菜，豬肉碎，方魚，芹菜同埋瑤柱絲放湯。白魚蛋有濃郁嘅魚味，口感彈牙。肉碎食得出廚師應該係有撻過啲肉先至煮，所以唔會散修修。乾瑤柱，方魚同埋西芹令成煲菜嘅味道提升左層次。有
坐低冇幾耐，職員先提供四杯功夫茶同埋鹹酸菜俾我哋享用，清清口腔，開下胃。然後我哋睇完餐牌之後叫咗以下食物。
頭抽鷹䱽魚片（$488/一客6片）：魚片好厚肉。頭抽香得來唔會太鹹，依然食到魚片嘅鮮味，頭抽同魚肉既味道好夾。師傅把握得火喉好好，令魚肉仍然可以保留肉汁。
鵝三寶（$298/一客）：鵝三寶包括鵝肝，鵝腸同埋鵝片。
鵝肝：真係好好奇師傅點整。質感好嫩滑。唔會有肥膩嘅感覺。呢個有驚喜。
鵝腸：唔會好多肥膏，廚師應該係清潔方便下咗唔少功夫。質感爽脆，令人唔覺唔覺已經食曬。
鵝片：烹煮嘅時間控制得不錯，唔會過鹹但又可以令鵝片入到滷水味，味道剛剛好。而且鵝肉嫩滑。
豆腐：底下有幾塊豆腐。豆腐吸左滷水嘅味道依然食得出濃郁嘅豆香。亦望唔到有氣孔，唔會嚡烚烚。
潮州魚蛋肉碎煮汕頭白（$228/一客）：呢個餸係將白魚蛋，娃娃菜，豬肉碎，方魚，芹菜同埋瑤柱絲放湯。白魚蛋有濃郁嘅魚味，口感彈牙。肉碎食得出廚師應該係有撻過啲肉先至煮，所以唔會散修修。乾瑤柱，方魚同埋西芹令成煲菜嘅味道提升左層次。有豬肉魚肉同埋西芹一齊煮嘅娃娃菜，煮得夠透身，而且吸收晒佢哋嘅香味鮮味，好味道！
20年老菜甫燉鮮豬肚（$78/一盅）：話明20年老菜甫，果然經過咁耐嘅燉煮時間，菜甫食落都仲有味道。個湯飲落令人有好舒服嘅感覺。亦感覺好似清左d肥膩感. 本身都驚鮮豬肚食落會哽胃，但食落又好嫩播，我食晒三舊。
潮州白粥（$15/一碗）：食潮州嘢總要配一碗潮州白粥先至圓滿。熱辣辣清清地，配埋之前奉上嘅鹹酸菜食，係另一番風味。
滿足的一餐。食完好嘢叉完電，明天再努力工作！
張貼
