南記粉麵 (香港仔大道)

營業中

休息中

南區人相信都無幾個無食過南記，以前只限港島區有，呢幾年都開咗好多分店係其他區，造福大家，因為真係幾好食又唔貴。呢間分店食咗好多年啦，算叫做乾淨企理，因為腸胃比較差，未試過無食到肚痛，都算係咁。春卷係必點食品，第一次食嘅時候真係覺得好奇怪，點解春卷係淋嘅，不過食落又好好味，食咗咁多年，已經好習慣啦，所以每次無論1定其中一款餸一定揀春卷，其他餸就隨意搭配啦，今次揀咗貢丸，够大粒又彈牙，好食，蔥怪一定多蔥。必加辣椒醬，食南記先會加辣椒醬，其他鋪頭食麵一定係辣椒油。