鳥棲日本料理 (已結業)

老婆食過一次之後就念念不忘，味道好味得黎價錢又平，一直都想返嚟再食，所以今晚我哋又一齊嚟呢間餐廳再食過牛油果蟹籽沙律，沙律菜同青瓜絲非常爽口清新，加上脆卜卜既蟹籽配搭蟹柳同埋牛油果，非常開胃嘅菜式～芝士明太子蛋卷，濃濃嘅明太子香味，配上香甜嘅蛋卷包裹住半溶化嘅芝士，味道真係無得輸！原條鰻魚炒飯，鰻魚非常之肥美，又厚又腍又無骨，仲有醬汁味配合得非常好～忌廉海膽薯餅，酥脆嘅外皮加埋海膽嘅甘香，真係正到不得了！水蜜桃乳酸梳打，水蜜桃味好香又夠氣，好飲～