一風堂 (新港中心) (已結業)

晏就黎一風堂依到食野，我自己都真係好耐都冇食過拉麵喇,今日黎到因為Lunch Time既關係,依到時間當然要等下位,等左太約15分鐘就有位。除左依到既卡位之外，大部份人都係一字排開咁坐，因為太多人喇，環境有少少逼逼地。原本只係想叫一個拉麵咁多，由於見到lunch set既關係,佢有拉麵,小食加埋飲品,價錢比起單點化算既,雖然都算貴，不過都係叫左，因為見佢小食D賣相都真係幾吸引，今次就叫左碗辣肉味僧拉麵要左中辣，點餐個陣，拉面就要左普通，麵底唔硬唔軟咁先係最好，食落又真係岩岩好,至於辣度就真係差少少啦，不過食落比預期中無咩辣味，不過個湯底真係超惹味，真係想飲哂去，加埋少少辣既肉碎，真係一流小食我就要左炸魷魚，魷魚炸幾香脆,又幾美味，唔會太韌，加埋少少檸檬汁，酸酸地好開胃。