越一越南牛肉粉專門店 (已結業)

今日陪朋友過黎黃大仙拜神，拜完過黎食埋飯～見到呢間越南野光猛企理，入黎試下正唔正先～扎肉蒸粉包4件 $42主角扎肉好豪氣厚厚一片～上面灑左炸蒜同蔥油～粉包嘅皮好滑而且唔厚，入面係木耳甘荀等等嘅雜菜，食落好清爽唔油膩三寶撈檬 $58有香茅雞翼、豬扒同扎肉，肉類腌得入味，炸到金黃色，好鬆化，香口野我至愛呀～配料仲有蘿蔔絲、花生、生菜、青瓜同炸蒜。檬粉份量都幾多，夠飽肚香茅牛肉撈檬$48怕熱氣可以試呢個牛肉撈檬，唔係炸嘅，牛肉好滑但食得出無落鬆肉粉～出面而家好多牛肉都用鬆肉粉拿到梅晒上湯蘿蔔$18蘿蔔好夠淋，清甜無渣椰汁紅豆冰$18椰汁夠多，唔會水汪汪食到飽飽仲要每人唔洗$100!!!!