雲家小鍋米線 (安寧大廈)

營業中

休息中

喺元朗，肚餓要食嘢，唔係好熟悉呢區，想簡單食啲嘢，上網 Google 一下，見到呢間米線店，去過佢荃灣分店，印象幾好；米線店離開我位置唔係好遠，於是就決定行過去開餐😆叫咗 $46 嘅「牛腩小窩米線」，再加餸菜，餸菜每款由 $7 至 $18 不等，咁加咗 金錢肚、豬肚、肥牛、雲吞、白蘿蔔；另外再加一碟 $45 嘅「涼拌墨魚頭」🤩「牛腩米線」裏邊已經有配料包括 芽菜・酸菜・韭菜・蔥・芫荽，都幾豐富；牛腩煮得好軟熟；豬肚煙韌；金錢肚有少許咬頭；白蘿蔔幾腍；雲吞大大隻😋「涼拌墨魚頭」落咗大量蒜蓉，配埋醬油麻油，又爽脆又惹味，非常好食😆呢度嘅「米線🍜」份量好大🤩，食得非常飽飽又滿足嘅簡單一餐🤩