宮崎日式燒肉店 (已結業)

今日同我女人約埋放工去睇冷氣機，睇完特然好肚餓，我記得早前喺報紙閱讀過有關呢間日式燒肉放題嘅食評，於是提議去呢間食。一到門口，侍應小姐問有冇訂位，我示意冇，佢於是俾個籌叫我等，話如果訂咗枱八點嘅客人未到就俾我入去；都唔駛兩分鐘佢就話我地入得去喇。八點呢個時段$198一位，限時兩小時，入到去坐底就送上兩隻大蝦！然後一輪衝鋒，我地叫咗魚生、牛肉、黑豩肉。肉質都唔錯，油花分佈均勻，入口好有肉香，肉汁都豐富！唯不足之處就係海鮮嘅選擇，仲要今晚有帆立貝都冇通知一聲，搞到我點咗幾次之後問侍應先至話冇！到過咗個半鐘，女人話飽，但我仲未夠喉，我叫咗平時好少叫嘅雞肉，丫！又唔錯噃！一般嘅燒雞肉會“鞋”，但呢度嘅雞肉仲好嫩，係稍為鹹咗少少。到最後我叫咗幾件壽司同最後一round牛肉，差不多用盡兩個鐘先食完走人。埋單$46X，咁嘅質素算係好抵食。