La Parole (已搬遷) 新店位置

天生愛吃嘅我鍾意周圍去揾嘢食，聽朋友講有間法國餐廳响青衣城d料好正。於是乎昨晚就同老公去試試。外面睇咗餐牌，一d都唔貴，套餐都係百幾蚊，似乎幾抵。我食咗個安格斯牛扖套餐，個牛扖食落肉質嫩滑，炭燒鎖住肉汁，又有香濃牛肉味，正！湯、頭盤沙津、甜品、咖啡同埋個牛扖都係二百幾，個套餐認真抵食。我老公鍾意食肉，叫咗個羊架，佢話好好味，賣相又一流。睇倒餐牌，所有嘢食都唔落味精，d用料要好講究先至可以咁好味。餐廳裝修簡潔舒服，侍應服務態度專業，媲美中環大餐廳，埋單六百有找，又好味又抵食，一定要再去。