品越越式料理 (士丹利街) (已結業)

中環晚餐搵食好容易，個個放哂工邊度都有位，依間品越 lunch time 黎一樓排隊排到落樓梯，晚餐 walk in 即時有得坐低 首先講下個蕃茄蟹湯，好鮮甜，由於佢唔想放咁多蟹肉既關係？所以整幾粒大大粒嘅蟹肉丸落去，感覺就唔會好似好唔足料咁勒，都幾好食既，呢個價錢唔通你期待成煲滿嘅蟹肉咩。菠蘿炒飯係必食之選，抵食到不得了，佢啲海鮮多到瀉出嚟，做多過飯。咖哩軟殼蟹煲啲咖喱汁好惹味，咖喱汁用嚟撈飯一流，如果鍾意食辣嘅人就唔怕食埋佢嗰啲辣椒，唔小心食到真係勁辣。軟殼蟹好香脆好好食，仲要都好大隻，又係抵食之選。串燒拼盤都不錯，有質素。豬頸肉馬拉盞炒通菜就普通咗啲，好似冇咩味咁，清淡啲都好嘅。總括黎講，我哋4個人食，每人百幾蚊，個個都食到好飽，食物又有返咁上下質素，抵食。