沙田新強記燒鵝海鮮酒家

營業中

休息中

今日放工就趕住去同屋企人慶祝母親節，媽媽點名要食大圍嘅新強記燒鵝海鮮酒家。佢話以前成日同婆婆去食，搬左之後就好小去食啦。我地去到嘅時間尚早，唔算多人。因為疫情關係，每張枱都用屏幕隔開左，唔驚同隔離台互相傳染。燒鵝皇黎到強記燒鵝點可以唔叫燒鵝食，我地4個人就叫左例牌下例。燒鵝份量好多，夠我地4個人食。燒鵝脾好夠肥，一上枱就比細佬拎左去食。奇香手撕乳鴿見到有人特登入嚟買乳鴿外賣，就叫隻黎試下。堂食$38一隻價錢抵食，乳鴿一開二上台，聞到有好香嘅南乳味，出面燒到脆卜卜，撕開入面仲會爆汗。入面肉質好嫩滑，啲皮就好香口，值得一試。上湯西澳龍蝦伊麵龍蝦伊麵係屋企係整唔到酒樓嘅味道，所以平時一家人去酒樓食飯都會叫。伊麵底最忌係太稔，但佢嘅伊麵索湯得黎仲好彈牙。龍蝦炸左再入湯，肉質keep到爽口唔老，真係好好食。