金滿庭京川滬菜館 (奧海城二期)

營業中

休息中

今日去大角咀探朋友，佢哋喺大角咀呢區住左差不多半個世紀，對呢區可以話係地頭蟲，今日就好似跟咗一個導賞團嘅領隊一樣，遊覽左半日大角咀舊區！到最後就梗係要搵返啲好嘢食啦，佢介紹我去奧海城呢間上海菜館！上海菜，都算係我鍾意嘅菜式之一，當然一口應承佢！食上海野，梗係要食正宗嘅小籠包啦，講真呢度啲小籠包，皮薄餡靚，湯汁豐富，水準好高喔。朋友推薦呢個砂鍋雲吞雞，嘩，真係好好味，清甜的湯底，飲落喉嚨好舒服，雲吞餡料十足，鮮蝦彈牙，隻雞都好嫰滑，非常好介紹。連個炒飯都好高質素，乾身，料足，兩個人食少少野就已經飽晒，下次經過奧海城呢邊，我都會再嚟幫襯。