牛站(駅)麻辣火鍋放題

營業中

休息中

最近同朋友好想打邊爐，聽朋友嘅推介，佢話位於旺角記一間新開張火鍋放題店好值得食，而鍾意打邊爐嘅我哋就當然唔會錯過啦。餐廳名叫做牛站，喺其他地方都已經有開設分店。睇返旺角嘅新開張分店，環境更加寬敞舒適，自助區亦都比起其他分店更加多選擇同更大。例如有好多好特別嘅蔬菜㗎，平時喺出邊都幾少見。至於嘢食方面嘅質素都一樣咁高，估唔到呢度都可以食到乳鴿，皮脆肉嫩。咁高質素嘅乳鴿仲要係任食㗎。另外都想介紹返呢度嘅牛肉，款式真係有非常之多，例如有美國安格斯牛板腱、美國極黑和牛SRF、美國肩胛肉等等，每款唔同嘅牛肉都一樣咁高質素，保留咗牛嘅鮮味，完全可以滿足自己食肉獸嘅慾望。除此之外，餐廳都有好多值得一食嘅嘢食㗎，包括海鮮、自家製甜品等等。我自己就最鍾意佢嘅木糠布丁，真係好足料，而且好好食！我覺得整體真係好有誠意！如果大家同我一樣都鍾意打邊爐嘅話，就一定唔可以錯過呢間餐廳，保證絕對滿足到你！