炑八韓烤 (歐亞銀行大廈) (已結業)

好耐冇食韓燒啦，呢一間係正太子站隔離，c出口一上去過一條馬路就到，地理位置非常好，又方便。環境舒適，座位寬躺，播住韓國音樂，氣氛好輕鬆。最緊要係成個感覺好乾淨企理，值得一讚！呢度提供埋圍裙，唔怕整污糟到件衫。抓住圍裙嗰個膠套，就可以用嚟放口罩。一坐低就有好味嘅前菜食，而且前菜仲係任添。今次試左「慶州豚肉的神話」，果然係名不虛傳，同平時食開嘅韓燒真係無得比！有八爪魚，有雞肉，有豚肉，仲有牛肉，每款都好鮮味！當中佢個八爪魚係最令我有驚喜，因為佢好大隻，煮熟之後展開都可以分10份左右。下次嚟食嘅話，我可能都係會叫返呢個，因為實在太好味啦！飲品方面，我揀咗神石榴士多啤梨梳打，佢唔會太甜，幾好飲，又解渴。邊飲住邊食韓燒，真係好正。