巴蜀風

營業中

休息中

和老公行完街，要去商場拿草俾兔仔，所以就係呢間舖頭食少少野先番屋企。佢大慨一兩個月前先裝修完，但唔知點解一入到去仲係勁多蒼蠅。唔係一兩隻，係最少六七隻一齊騷擾你。都唔知裝修黎做咩，裝修完光猛左，所以啲蒼蠅更加覺眼。成餐飯隻手就好唔得閒咁趕蒼蠅。我叫左巴國大腸米線，大腸有少少辣，但我唔食得辣都接受到。大腸乾淨同埋夠淋，唔算好肥。米線軟硬度適中，湯底非常入味。我同老公都加左雞翼，加$3有3隻真係好抵。所以我地都常都係咁叫，淨係雞翼小食廿幾蚊得6-8隻無咁抵食。佢係香芧炸雞翼，炸得夠脆，雞肉仲好JUICY唔會鞋口。