巴蜀風

營業中

休息中

屯門建生巴蜀風真係一間抵食又好味嘅隱世小店！豬扒飯係招牌，雞翼炸得金黃酥脆，外脆內嫩，肉質Juicy唔乾柴，配上濃郁嘅黑椒汁同白飯，每啖都香口過癮！芙蓉蛋飯一樣掂，蛋漿滑溜，煎得金黃軟嫩，裹住飯粒，簡單但好滿足。雲吞湯麵都好出色，雲吞皮薄餡靚，蝦肉爽彈，湯底清甜，飲完仲想再添！最驚喜係3隻雞翼只賣$5，炸得香脆，肉質嫩滑，份量十足，CP值爆燈！其他小菜如辣子雞同麻婆豆腐都好有川味，辣得過癮。環境乾淨企理，服務員親切快捷，落單快手，坐得舒服。價錢親民，質素完全唔輸大餐廳，絕對係屯門食飯嘅好選擇

入開來屯門 ，搵老友吹水好多時會特登過來良景，今日簡左食巴蜀風，好耐以前已經有幫襯開，咁多年黎依然屹立不倒👍🏻🔸炸雲吞 有8粒 認真好食香脆可口 咬落去chop chop聲 內餡其實即係菜肉雲吞☺️店家 好細心，外賣都有配 雞醬比你 沾著吃 🔸排骨沙律撈麵炸豬排醃得很入味 ，炸得通透 但又不會干爭爭，啖啖肉 夾著豬扒脂肪油香好味😋個麵好食，有點似日本拉麵的口感，爽口彈牙，配上芝麻醬，仲有最鍾意佢會配上蕃茄生菜，好食又唔覺膩

對上一次我食呢間巴蜀風，已經係兩年前同五年前既事：1) https://www.openrice.com/zh/hongkong/review/%E6%8A%B5%E9%A3%9F%E5%B0%8F%E5%BA%97-%E4%BD%86%E8%A1%9B%E7%94%9F%E5%B7%AE-e42590392) https://www.openrice.com/zh/hongkong/review/%E7%B1%B3%E7%B7%9A%E5%B0%8F%E5%BA%97-e3224959餐牌無重大改變，都係個份餐牌，只係兩個餸米線+凍飲貴咗兩蚊，但近年餐廳成本上升，難以唔轉嫁俾消費者。✨麻辣雞魚蛋米線✨麻辣雞：一如以往，係啖啖雞胸肉，如果唔夠辣可以搵店員要求更多辣汁，呢方面水準無問題。有時會喜歡食呢種雞肉多過連鎖米線舖既雞絲（而且近年份量仲越來越少，寧願直接加價，做真小人好過偽君子）。✨魚蛋：幾有咬口，不過咬到入裡面感覺到有種雪味，所以唔推薦嗌魚蛋。✨配菜：花生夠脆，無乜好挑剔。

呢一間舖頭非常之唔起眼真係喺附近返學經過先會知道店內雖然好細 但係佢哋嘅米線湯底的確好食係會令人地回味無窮嘅味道我每次都一定會叫炸雞翼雲吞米線 中辣佢哋嘅雲吞其實好似餃子入面係菜豬肉 我自己覺得非常好食而且餃子嘅大小都好好 唔會太大又唔會太細如果叫兩個餸 每款都有三粒炸雞翼係必點 米線再加一份雞翼只需加幾蚊炸到個皮好香脆 係非常值得一試的不過店裏環境係一般 衛生都一般店內姐姐某幾個態度都一般🥲但食物質素係非常好的

差唔多每個禮拜都會食依間野 佢地既雲吞係每日新鮮包同咪菜既比例較多 暫時係我係出面食過最鍾意既雲吞 而佢地既豬軟骨都唔錯 因為我食其他餐廳既豬軟骨 通常都係調咪料偏多 而依間比較淡 我比較鍾意 但豬肉有時會過瘦

衛生比起之前好左，味道都係咁好食👍🏻👍🏻👍🏻最鍾意食佢地嘅2人餐 配滷水拼盤 加撈青瓜😋😋跟住如果唔食辣就食佢地個撈麵麵底係類似拉麵 撈芝麻沙律醬！正😇😇唔想煮一定食巴蜀風🥰

見疫情回落，落返街食呢間制坊老店，可惜令人大失所望……首先入餐廳，店員提醒要掃瞄QR Code，符合政府規定係冇問題的，咁我要求填紙，點知店員串我而家仲填紙呀！？我心諗我點配合政府措施唔關你事，你只需要提供適合既物品就可以。雙拼米線+凍飲 $43 價錢幾公道，其中花生有一半係冧到疏風咁，而黑牛柏葉就太過堅韌，有原條上既黑柏葉叫人點食呢？比起坊間米線店，雞肉結實有咬口，係我鍾意食既其中一個原因。跟住望入廚房，發現廚房兩個店員係奉合政府「一戴一露」政策，將口罩放到下巴底咁準備食物。更加攞命既係，有個樓面店員叫廚房同事去買X福傷風素，咁就可以收鼻水。大佬，口罩唔係裝飾，而且你有病唔休息，唔妥善戴好口罩，又唔戴手套咁準備食材，同傳播病毒有咩分別呢？一諗起呢個情況，再便宜亦補償唔到

好過份 , 我叫外賣成日畀少咗一個餸 , 我叫大辣佢又畀小辣~真係唔知佢哋想點 ,如果我唔係鍾意食佢米線湯底~我都唔會有下次 , 已經有4 , 5 次🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

記得以前食過巴蜀風既麻辣雞好正！難得今日有時間，再去幫襯下先！入到去先量體溫，之後坐底！基本上唔使睇餐牌已經可以落單！今日食麻辣雞豬潤，加多$3可以有三隻雞翼，加埋凍檸茶都唔使$50！超抵食！至於味道，仍然係咁好味，麻辣雞配埋米線簡直一絕！

餐廳評分 (最高為5️⃣)味道 ：😻😻😻😻環境 ：😻😻😻Cp值：😻😻😻😻😻服務 ：😻😻😻😻價錢：😻😻😻😻😻巴蜀風喱個名，相信住開附近良景、建生既居民一定不會陌生。因為真係平，靚，正聽到巴蜀大家都知佢一定係食辣。佢地主打係辣既湯麵，有上海麵，有米線，小編自己最鍾意就係食佢個上海麵，粗身有咬口。而且佢每一碗湯麵都勁大碗，包你一定夠飽肚。佢地既配菜同樣都好出色，上海排骨已經醃製過既豬排再酥炸，食落又脆又淋身，豬排相當入味，小編每次嚟到，都一定會食;麻辣雞是雞肉用麻辣醬汁醃製，食落香辣有口感;滷水大腸又入味，滷水時間相當足夠;炸雞翼都是即叫即炸，外皮香脆。點解我會知咁多配菜都好食，因為每一份餸都只係加3蚊，姐係加雞翼，就有3隻，姐係一蚊一隻，你去超市買急凍雞翼都未必可以一蚊一隻，所以係咪又平又正先

呢間巴蜀風真係由細食到大，個價錢親民之餘，食物的質素又唔會太差。咁今次叫的晚餐係排骨撈麵，價錢$42，包凍飲一杯，份量如圖中所見係大大份。首先，排骨的外層炸到好香脆，同埋係撈麵的關係，個皮唔會話浸到lum曬。其次，麵條同個芝麻醬十分配搭，唔會太濟之餘，亦十分開胃，岩曬依家天時暑熱咁去食。

排骨上海麵簡直係懶人恩物，廚師一早幫你切埋豬扒，方便你一塊塊咁食，唔需要拎起成塊咬又或者自己切🙂🙂 豬扒爽口，一咬即斷，炸得香口又唔油👍🏻 仲要佢淨係得少少骨，其他都係肉😛上海麵麵質滑口，配埋啖湯，清清地好味😗通常我都會加雞翼，多款餸都係+$3 好似係 平到我都唔覺眼😂 雞翼時大時細，要睇下咁啱嗰日有咩貨😗雖然佢都有飯食，但我次次嚟都係食麵多，一嚟簡單好味，二嚟唔好太飽肚，食多幾個餸都仲得☺️☺️😂

住喺屯門嘅朋友應該對呢間小店一啲都唔陌生 尤其對田景嘅居民嚟講 有機會係佢地嘅飯堂🙌🏻 之前喺附近返學日日都去食 大個咗之後就小咗機會 但好彩 食物質素都無咩變🤔呢度飯、米線、麵、套餐、小食.......咩都有 但我唯獨鍾意呢度嘅米線🍜$38一碗米線 想食多個餸都係+$3 你話抵唔抵？ 雲吞皮薄多汁 咬落去啖啖菜同肉 真材實料🥟 半煎炸雞翼係我第二樣鍾意嘅餸 雖然有時唔係隻隻都飽滿 但勝在香口 抵食！唔知可唔可以三餸都係雞翼呢😂😂😂

探完朋友同狗仔，朋友帶路係附近搵食，揀左間巴蜀風的小店，朋友食左好多年都，所以帶我來食二人餐$100，仲加多個蒜泥白肉$40。【 蜀風滷水拼盤】 味道同想像有點不同，呢度偏向多香料，好多芫荽、蔥、蒜等等，好香好有風味，滷得入味，而且非常爽脆。【蒜泥白肉】 同滷水拼盤有d相似，但多左青瓜，蒜味唔算突出，反而香得黎幾清爽，令豬肉唔膩，白肉少少彈，肉感十足。【蠔油生菜 】 煮得岩岩好，好翠綠好靚，同埋唔會好油，配蠔油味道當然更好，份量亦夠多。【四川排骨麵 】 排骨炸過再放上湯麵，保留香酥味，排骨肉唔肥，肉腍易咬，份量都多，食完夠哂飽。【四川擔擔麵 】 都幾唔同，一來唔辣，二來擔擔麵的料係只有花生醬，無肉碎，所以只有花生香，冇肉香，但就好多椰菜同火腿絲，感覺幾清幾甜，都好食，但唔係平時食開既擔擔麵。【凍檸茶 】 茶水都做得好，檸片夠味又新鮮多汁，茶底香濃有茶香，大熱天整返杯，真係爽夾甜。埋單$140/2位，價錢合理夠飽肚，味道不錯，原來巴蜀風係溫和的香料料理。

店铺不大，是專做街坊生意的小店。我最喜欢吃的就是豬扒撈面，他们的豬扒不但大塊，而且林滑，撈面配上沙律酱及蕃茄，冰冰涼的，入口相当清新醒胃，熱天吃最合适。他们的湯面亦好味，尤其是麻辣湯底，相当惹味，而他们选用的面条也特别粗，十分弹牙，一碗就飽飽了。加上口水雞辣度适中，肉质嫩滑，和其他店的口水雞不同，他们的的熱上，颇有特色。