Catio (已結業)

星期六係鰂魚涌做完嘢，同幾個同事喺Lilium 食完下午茶,夜晚就約咗另一個朋友嚟呢度食dinner,傾偈同玩貓😆中學嘅時候銅鑼灣有個地方叫做阿貓地攤，嗰時真係好好，可以嗌個餐然之後喺嗰度坐勁耐，喺度玩貓。依間餐廳同阿媽地攤唔同嘅，就係斷鐘計，每小時70幾蚊，包一杯飲品，如果嗌多個主菜/小食，但係個鐘頭就唔使錢。因為適逢月尾，我哋都冇乜太多budget 😅所以只係喺度食咗個小食及主菜，就玩咗兩個鐘。最後仲未傾夠計，又想食吓甜品，就諗起附近嘅IKEA。😆可以又食又玩又行傢俬舖。一晚可以滿足晒幾個願望，其實都幾enjoy及滿足。