黑門水產すいさん (Fashion Walk)

今日約咗朋友落銅鑼灣,行咗一陣間諗住喺附近搵啲嘢食,朋友帶咗我去一間日式餐廳,食物好新鮮味道又好。黑門水產,銅鑼灣加寧街5至7號fashion walk地下。去到餐廳好似置身於日本一樣,好有日式居酒屋風情,環境舒適,地方整潔喺度食飯真係好舒適。刺身6盛,賣相勁靚仔我最喜愛,海膽,吞拿魚,油甘魚, 海膽入口即溶味道鮮甜,淡淡回甘,極之好味。吞拿魚切到啱啱好,食落去除咗有口感仲有少少魚油嘅香味,真係又肥美又好食。油甘魚膠質豐富,油花分佈均勻,口感柔滑,味道鮮甜。整體來講，刺身全部都好新鮮🥳黑門令極黑鮑海鮮太卷 ,材料非常豐富有三文魚,蝦肉,鮑魚,八爪魚,入口味道鮮甜口感好豐富,要材料味道都好配搭。海膽蟹味噌甲羅燒,甲羅燒用咗鵪鶉蛋,海膽,蟹肉,蟹籽,職員為你即場炮製,蟹膏味非常香濃,用脆脆嘅梳打餅沾埋啲蟹膏一齊食味道鮮甜。鐵板宮崎柚子胡椒香蔥牛舌芯,第一次食咁香口嘅牛舌,用咗鐵板上令牛舌保持溫度,入口牛肉味香濃,口感爽滑無比,加上洋蔥,蒜香真係食到舐舐脷。