味道樂居酒屋 (河內道) (已結業)

行過見到佢真係好似日本居酒屋咁，而且見到門口放上嘅餐單都幾多款式。所以就行入去試一試！👍🏻火炙北海道帆立貝蟹膏卷一份有六件 面鋪帆立貝，再加上滿滿既蟹膏，帆立貝唔會燒得太熟，入口軟綿綿。蟹膏味道鮮甜帶少少回甘。飯卷實淨，配上青瓜等小配料，不俗 ! 👍🏻醬油燒年糕小編係一個煙韌控，所以見到呢款小食就必點。醬油甜甜地，趁熱食咬落去口感更佳，亦會有小小黏咀，兩件真係唔太夠喉 ! 👍🏻壽司刺身三文魚腩刺身、深海池魚腩、大赤蝦都係好厚好厚，魚腩超超超肥美，滿口油香，近乎入口即化，火炙即燒即上枱！赤蝦爽甜，大隻新鮮！玉子壽司蛋味濃郁，甜蛋長長嘅一片！👍🏻火炙左口邊魚丼大約有四至五片左口邊魚，火炙恰到好處。入口即溶，魚脂好豐厚。壽司飯醋味相當足夠，小黏，帶點火炙燒燶嘅味道！真的很不錯！