不過今次嚟最大嘅感覺就係服務差
態度麻麻哋，跟住又唔係太夠人手去應付
同埋啲人好似train唔夠 有啲問題問佢哋都答唔到或者亂咁答….唔係我嚟過嘅話，都唔知其實有啲午市Menu，問佢竟然話冇得一張點心紙。
仲有就係我哋落咗燒味雙拼例牌都成$168。
但係嗰啲燒鵝竟然係得啲皮全部背脊嗰啲位，冇乜肉食， 唔記得影相，同侍應講佢當然係咁話冇得玩冇得玩，但係呢個咁唔似樣佢收呢個價錢唔應該比呢啲質素同埋服務，而且我哋都冇郁過
雖然係燒得靚仔，但係燒鵝就真係比例唔啱
火牛同埋功力OK，但係位置唔好
叉燒都係一啲啲，好似兩橛拼埋一疊
不過整體高質素嘅
燒鵝就真係睇運氣，我諗
今日嗰啲真係唔得，我經理態度勁差死都唔肯換，重點係態度差
不過佢自己睇完都覺得係太肥，我諗
最後嗰碟都係似樣番少少 🤏
另外$52嘅鮮蝦腸超靚仔。黐線成粒蝦！上次都記得係咁靚。
點甜豉油好正，而且個粉皮晶瑩又有彈性不會太油極高質。
蒸鮮魷
唔係好多，不過好大隻幾新鮮
$40排骨好靚仔好大份
海港貴得來價錢都對得住份量同埋質素
不過最後嗌過黑金流沙包真係好差，同平時海港城嘅差唔多，新鮮食都覺得預製菜…而且仲唔留心…
切雞高質素好味，不過超細隻
雞髀仔
西班牙黑毛豬叉燒包有驚喜，見到人哋勁大粒，所以想嗌 點知真係不負所望，雖然$48好貴，但係佢個質素很高，包皮極鬆軟，而且又厚實 好難得！平時梗係要多肉小醬先靚 但係竟然呢個叉燒包雖然做唔到呢樣嘢，好少叉燒粒好多醬
不過啲醬油調得幾好味喎 幾神奇:)
雖然食到好飽，不過朋友見到隔籬枱嗰個流沙煎堆仔好吸引，而家唔係間間有得食，佢就嗌嚟食
唔鍾意食炸嘢嘅，我竟然都覺得好高質素，佢係極鬆脆又唔會太油膩，餡嘅份量啱啱好
雖然好細粒，但係係高質素嘅選擇，除返都係$12一粒
當係一個街邊高質素嘅糯米糍🤣🤣
呢個搞麻麻哋 朋友鍾意我就普通
頭先唔記得講個炒飯都好高質，有成五六粒鮑魚
好多海鮮粒
粒粒分明幾有香
不過呢度嘅食物款式真係好少，我哋之後先發現呢度連好似鳳爪排骨飯咁嘅蒸飯，或者金錢肚，或者一啲粥品都冇。之前食過嗰個五香牛腱粒冇咗。
同埋今次服務餐係差，經理態度差 仲好似好不滿咁 ，基本嘅training唔夠答唔到所以問嘅問題
環境OK
下次可能試吓其他酒樓算了
