影片
更多
2003-09-27
17 瀏覽
呢度門口放o左幾缸海鮮，淨睇門口o既話幾乎會以為自己去o左海鮮檔；其實呢度係食潮洲打冷，入o左門口之後就會見到各式打冷一碟碟咁放o左嚮度任人揀，都幾得意。兩個人，叫o左一碟煎蠔烙，蠔仔粥，鹵水鵝片同鹵水拼雙腸。煎蠔烙okay，不過唔點魚露就好似唔多夠味。蠔仔粥有大地魚一齊煲，唔錯。拼雙腸o既鵝腸同豬大腸都唔「蘇」，幾好；不過鹵水鵝片就麻麻，D肉好鬼韌之餘，仲有好多連骨而勁肥o既部位，冇乜肉食。Service居然比想像中好。我地坐樓上，個侍應伯伯好有禮貌，就算我地冇叫海鮮都依然多謝前，多謝後咁；添茶D嬸嬸又主動幫我地洗一洗杯才添茶。埋單$218，除鹵水鵝片唔及格之外，總括o黎講係滿意o既一餐。
兩個人，叫o左一碟煎蠔烙，蠔仔粥，鹵水鵝片同鹵水拼雙腸。煎蠔烙okay，不過唔點魚露就好似唔多夠味。蠔仔粥有大地魚一齊煲，唔錯。拼雙腸o既鵝腸同豬大腸都唔「蘇」，幾好；不過鹵水鵝片就麻麻，D肉好鬼韌之餘，仲有好多連骨而勁肥o既部位，冇乜肉食。
Service居然比想像中好。我地坐樓上，個侍應伯伯好有禮貌，就算我地冇叫海鮮都依然多謝前，多謝後咁；添茶D嬸嬸又主動幫我地洗一洗杯才添茶。埋單$218，除鹵水鵝片唔及格之外，總括o黎講係滿意o既一餐。
張貼
