影片
更多
2022-12-11
157 瀏覽
《一瀧 - 銅鑼灣》跟住車車 @kchelseapy 就一定搵到好野食既😋前日兩收工約左車車出銅鑼灣行街食飯，講起想去日本旅行，就即時撩起左想食sukiyaki 既興致😬而大佬又話有間日式餐廳佢都想試好耐😉所以順理成章當晚就食壽喜燒啦😆我地兩個人散叫左一個壽喜燒鍋、三款前菜同埋刺身拼盤，最尾仲叫左個甜品share tim😉餐廳裝修同佈置都係滿滿既日本風，一出𨋢已經feel 到濃濃既日本氣息❤️特別係店舖内啲楓葉同埋木元素既擺設，我哋兩個被安排坐近吧枱位置，雖然唔係坐喺席前，但都見到師傅佢哋烹調食物前菜💁🏻♀️燒薩摩魚餅第一道前菜魚餅睇落已經幾吸引，面頭燒到金黃色，質地鬆軟，咬落重魚肉味，點埋餐廳提供嘅七味粉蛋黃醬會變得更加濃郁💁🏻♀️料理長發版時令壽司小妹都係第一次見壽司咁樣present😂將米飯放喺匙羹上面，上面有三文魚子、吞拿魚蓉同海膽，三文魚子本身自帶鹹鮮味，食呢個壽司嘅時候根本唔使落豉油，味道濃郁帶有層次感👍🏻💁🏻♀️一夜干雞翼雞翼用左全翼製作，將翼尖、中翼同雞鎚分開左三份，外皮帶有甜味，雞肉本身醃製得都幾入味，唔需要另外再點調味架啦💁🏻♀️二人刺身盛 刺身盛內有五款唔同既刺身，
跟住車車 @kchelseapy 就一定搵到好野食既😋前日兩收工約左車車出銅鑼灣行街食飯，講起想去日本旅行，就即時撩起左想食sukiyaki 既興致😬而大佬又話有間日式餐廳佢都想試好耐😉所以順理成章當晚就食壽喜燒啦😆我地兩個人散叫左一個壽喜燒鍋、三款前菜同埋刺身拼盤，最尾仲叫左個甜品share tim😉
餐廳裝修同佈置都係滿滿既日本風，一出𨋢已經feel 到濃濃既日本氣息❤️特別係店舖内啲楓葉同埋木元素既擺設，我哋兩個被安排坐近吧枱位置，雖然唔係坐喺席前，但都見到師傅佢哋烹調食物
前菜
💁🏻♀️燒薩摩魚餅
第一道前菜魚餅睇落已經幾吸引，面頭燒到金黃色，質地鬆軟，咬落重魚肉味，點埋餐廳提供嘅七味粉蛋黃醬會變得更加濃郁
💁🏻♀️料理長發版時令壽司
小妹都係第一次見壽司咁樣present😂將米飯放喺匙羹上面，上面有三文魚子、吞拿魚蓉同海膽，三文魚子本身自帶鹹鮮味，食呢個壽司嘅時候根本唔使落豉油，味道濃郁帶有層次感👍🏻
💁🏻♀️一夜干雞翼
雞翼用左全翼製作，將翼尖、中翼同雞鎚分開左三份，外皮帶有甜味，雞肉本身醃製得都幾入味，唔需要另外再點調味架啦
💁🏻♀️二人刺身盛
刺身盛內有五款唔同既刺身，包括呑拿魚赤身、深海池魚、牡丹蝦、鰹魚同伊佐目，牡丹蝦晶瑩剔透而咬落軟糯，食得出幾新鮮，另外我個人特別推介伊佐目同埋池魚兩款濃味既刺身，兩款個魚皮應該都有燒過處理過，咬落特別彈牙同埋有陣煙燻味👍🏻
💁🏻♀️棉花糖壽喜燒
到左重頭戲啦，我地特登加左錢要埋棉花糖，一上枱既時候好大個架，不過我地打完卡就溶曬啦😂壽喜燒除左塊肉要靚外，個蛋都要夠新鮮，個蛋黃深橙色真係好靚，食落又勁重蛋味，用黎點充滿甜味既壽喜燒牛肉無得彈，當然，個和牛肉油脂分布都好平均，一咬肉汁咇曬出黎😋超好味🤤而鍋入面既配菜都好多，有大白菜、芋絲、京蔥、洋蔥等食材，全部食材都嗦曬個壽喜燒汁，既香甜又濃郁😍唯獨差個白飯就完美啦❤️💁🏻♀️天婦羅雪糕
完美既一餐點可以無左甜品呢，我地喺三款甜品入面簡左一樣平時好少機會食既炸雪糕，口味就選擇左豆腐味，外層炸到香脆但入面個雪糕仲可以保持冰凍，又熱又凍既口感真係好新奇😄配埋水果食就唔怕漏啦😉
張貼
