漁正居酒屋 (已結業)

今次朋友帶路黎佐敦一間小店，宜家有7折優惠都幾抵下。入到去既感覺好似真係去左日本既居酒屋咁，部分位置更可除鞋後坐係小卡廂內，下次真要早d book呢 d位。酸蘿蔔口感紮實，爽脆酸甜，一流既開胃前菜。刺身分別有三文魚、油甘魚及八爪魚。三款刺身都好出色，特別係油甘魚，脂肪分佈平均，肉質好甘甜，魚味濃郁。室津蠔$18一隻兵庫縣室津蠔，性價比極高，味道都相當鮮甜，可惜叫左好多野食，如果唔係都會叫多一兩隻。串燒由左邊數起分別有雞肝、雞軟骨、牛舌、白鱔、雞皮、雞皮餃子。無論調味定生熟的程度，都做得唔錯，特別係白鱔燒得岩岩好，肉質肥美，入口香濃，值得推介。燒吞拿魚鮫呢個真係好好食，吞拿魚鮫油香十足、肉質嫩滑。要用鹽燒先帶到個香味出黎，配合少少酸汁，送酒一流。野菜天婦羅拼盤簡單的食物愈難做得好，譬如天婦羅，點炸到外脆內嫩係一種技巧。冬菇炸得好好，炸粉唔會太厚，保持到冬菇的香。粟米同樣出色，而且可以一口咁食晒。牛肉生薑燒牛肉配合薑及少許洋蔥，幾惹味，味道唔錯。黑醬油叉燒拉麵湯底當然未必能與傳統拉麵店相比，味道比較清，唔會太鹹，而叉燒則整得唔錯，肥瘦比例適中，麵身煙韌亦唔會太軟。三得利啤酒嗌左咁多樣小食，