金記冰室 (黃大仙中心南館) (已結業)

本身午餐只係食咗個麥當勞包，之後從九龍城行去黃大仙，留咗好多汗，感覺個包已經消化完。於是轉戰到金記冰室充飢，睇到午市套餐一D都唔吸引，作為一間茶餐廳，價錢都幾貴下。於是問隔離枱攞咗個主餐牌，主餐牌嘅嘢食選擇就多D，只係唔包飲品。我就叫咗黑椒三絲炒意粉。上台都幾大碟，但睇個樣都唔多對路。每條意粉都差不多沾滿曬黑胡椒！食落去就仲唔掂……好辣啊！辣到人都燥底！之後勉強食咗幾啖便唔想再食，真係太辣啦。我懷疑係廚師唔小心倒咗一樽胡椒粉落去……同埋我問佢地攞杯水，問咗五六次先攞過嚟，仲要係超熱嘅水……於是就無飲到，出去買杯清涼飲品，拯救我被虐待的味蕾。