影片
更多
2018-05-16
161 瀏覽
一大早到荃灣工作，見附近無咩野食，就求其入左間食日本野嘅餐廳。佢有幾款食物可選擇，我同朋友揀左海鮮鍋同埋牛肉飯。每款飯都有前菜提供。紫菜湯味道幾清，沙律配埋芝麻醬食都幾開胃。海鮮鍋啱啱滾起就上檯，非常夠熱。裏面有蜆、魷魚同埋蝦，仲有菇、腩肉同埋菜等。餐牌寫住辛辣海鮮鍋，但係食落就完全冇辣味。感覺就似落咗啲辣粉然後比水沖淡左，想食辣嘅朋友可以試吓叫廚房整辣啲。但係食物都夠多亦豐富，所以都夠飽嘅。但係個牛肉飯就頗為失望。佢有好重嘅日式味醂汁，啲牛肉同吉野家質素差唔多，但價錢相差一倍。而且份量得好少，所以唔係好抵食。唯一好味嘅係佢落咗芝麻同埋蔥花，令到整碗飯都幾香。呢到嘅食物價錢都偏貴，而且食物質素唔算太高，建議加少少錢去隔離食牛角好過😂
一大早到荃灣工作，見附近無咩野食，就求其入左間食日本野嘅餐廳。
佢有幾款食物可選擇，我同朋友揀左海鮮鍋同埋牛肉飯。
每款飯都有前菜提供。紫菜湯味道幾清，沙律配埋芝麻醬食都幾開胃。
海鮮鍋啱啱滾起就上檯，非常夠熱。裏面有蜆、魷魚同埋蝦，仲有菇、腩肉同埋菜等。餐牌寫住辛辣海鮮鍋，但係食落就完全冇辣味。感覺就似落咗啲辣粉然後比水沖淡左，想食辣嘅朋友可以試吓叫廚房整辣啲。但係食物都夠多亦豐富，所以都夠飽嘅。
但係個牛肉飯就頗為失望。佢有好重嘅日式味醂汁，啲牛肉同吉野家質素差唔多，但價錢相差一倍。而且份量得好少，所以唔係好抵食。唯一好味嘅係佢落咗芝麻同埋蔥花，令到整碗飯都幾香。
呢到嘅食物價錢都偏貴，而且食物質素唔算太高，建議加少少錢去隔離食牛角好過😂
張貼
