影片
更多
2020-07-12
3710 瀏覽
之前爸爸都來吃過飯，好少佢會大讚一餐晚飯讚到天上有地下無，雖然佢好鍾意食日本嘢，但係推介得咁雀躍都係第一次。我都未正式試過喺香港食懷石料理，畢竟香港嘅選擇真係唔多，你話食廚師發板就多如天上繁星，但懷石料理就真係比較少見。點解令我的起心肝去呢度試一次，主要因為fairymask fiesta ，之前一直有諗過買呢個美麗動人仙氣十足嘅Mask，但係因為價錢相對真係好貴，都唔捨得買，竟然我喺上網睇有promotion話女士喺七月份食懷石料理會有一個口罩配飾Fairy mask，於是同另外兩個朋友嚟試吓。呢度的懷石料理都幾正宗，有九道菜，午餐就有六道菜，本來諗住食下午，但係覺得可以試多啲唔同嘅款式所以選擇夜晚嚟食。餐廳真係唔係好大，而且當晚星期五都非常之多人，可惜book枱book得太遲，冇得坐吧枱，如果唔係整體感覺會更加良好。先來吃先付，亦即是前菜，有日本無花果啫喱，呢個菜式真係好啱女士食，滋陰養顏，而且仲有明目嘅杞子，呢個都好得歡心。然後就係驚為天人嘅八吋，之前食過八吋都知道八吋係師傅以個人嘅膽色將唔同嘅前菜整到好靚嘅菜式，當晚有北海道粟米天婦羅，番薯百合茶更，枝豆豆腐和稚鮎，唔同嘅人嘅八
我都未正式試過喺香港食懷石料理，畢竟香港嘅選擇真係唔多，你話食廚師發板就多如天上繁星，但懷石料理就真係比較少見。
點解令我的起心肝去呢度試一次，主要因為fairymask fiesta ，之前一直有諗過買呢個美麗動人仙氣十足嘅Mask，但係因為價錢相對真係好貴，都唔捨得買，竟然我喺上網睇有promotion話女士喺七月份食懷石料理會有一個口罩配飾Fairy mask，於是同另外兩個朋友嚟試吓。
呢度的懷石料理都幾正宗，有九道菜，午餐就有六道菜，本來諗住食下午，但係覺得可以試多啲唔同嘅款式所以選擇夜晚嚟食。
餐廳真係唔係好大，而且當晚星期五都非常之多人，可惜book枱book得太遲，冇得坐吧枱，如果唔係整體感覺會更加良好。
先來吃先付，亦即是前菜，有日本無花果啫喱，呢個菜式真係好啱女士食，滋陰養顏，而且仲有明目嘅杞子，呢個都好得歡心。
然後就係驚為天人嘅八吋，之前食過八吋都知道八吋係師傅以個人嘅膽色將唔同嘅前菜整到好靚嘅菜式，當晚有北海道粟米天婦羅，番薯百合茶更，枝豆豆腐和稚鮎，唔同嘅人嘅八寸擺盆都唔同，我呢個就好浪漫，好有愛情感覺，就好似愛情小說般。
當中最好食一定係呢個粟米天婦羅，炸得比較乾身，另外枝豆豆腐都好特別。
當晚最出色嘅除咗八吋外就係刺身，我相信如果呢度就咁食廚師發辦嘅話應該都唔錯。
當晚嘅刺身有薄切嘅鱆紅魚、拖羅和銀鱈魚、鱆紅魚外，兩個油份都好絕頂，食到津津樂道，當中特別係銀鱈魚，好少見。
另外看過不少食評都寫過一個刺身牡丹蝦他他，係呢度嘅名作，以法國魚子醬為主配上牡丹蝦蓉，三隻唔同嘅三色米紙有抹茶味、櫻花蝦味和粟米味，個人覺得三隻味道都差不多，全部都好薄好脆。
煮物有慢煮鮑魚，呢個都不用多說，不錯，特別係個鮑魚醬。
另外有一個最好食嘅就係呢個北海道遼參加龍蝦肉，兩個精品放在一起，做到非常傳神好食，而且加上那個高湯，更覺美味。
甘鯛脆鱗相對無北海道遼參咁搶鏡，點上了法式龍蝦醬汁，好有fusion feel。
其實女士食到呢度都已經差唔多好飽，但係估唔到仲有一個主菜係後邊，就係好少見嘅法國黑松露risotto ，以北海道糯米為主角，配上了濃烈嘅醬汁着到好煙韌嘅risotto，食到一半都投降，好彩今晚有其他男士可以幫手。
最後嘅甜品係京都宇治抹茶奶凍，呢個完全唔需要有懸念，一定好食，用上北海道嘅牛乳同日本黑豆，基本上係京都食冇分別。
九道菜加埋都只係$1680，仲要有個 Fairy mask送，女士就真係特別值得去，就等要食晚餐有七折一樣，有興趣記得要七月嚟啦。
張貼
