養心殿台式養生鍋 (已結業)

之前同事話食lunch 套餐有燉湯、配菜同菊花杞子茶送，仲免加一服務費，終於品嚐到啦！位於佐敦吳松街聖地牙哥酒店對面有間台式養生鍋,唔止淨係食養生鍋，午市仲有10幾款套餐。上到去地方好大，，用多幅屏風格住枱與枱之間，充滿古色古香feel 。我哋點左鹹香雞肉操撈麵同汁煮安格斯肥牛飯，先嚟一盅燉湯，用料豐富，用咗好多參鬚同烏雞燉成， 入口清甜甘香。配菜有三款，雖然份量唔多，但三款都好滋味😋汁煑安格斯肥牛配三色椒同🍄，肥牛醃得入味質感嫩滑好夠鑊氣。鹽酥雞肉操撈麵，雞肉炸到鹹香凸出，香氣四溢，另配碗肉操麵，肉操用秘製醬炒成好入味，撈勻啲麵一齊食令舍夾👍。杯杞子菊花茶味濃郁，甜度適中,夠晒寶👀又清熱氣，啲餐只係百幾蚊真係好抵。