影片
更多
2022-01-22
662 瀏覽
難book的級數是宇宙級！令人懷疑是否專登令人錯覺一位難求所以馨香啲！第五波「愛未乾」疫情之下風聲鶴唳，再加上新購的艾風和無敵5G plan，終於book到位，可喜可賀！Steak Omakase 每人五舊八仲唔駛加一，剩係「廚師發板」呢個偉大概念都值五舊，加上唔收corkage，一眾酒鬼更是歡喜若狂，摩拳擦掌，準備大擦一頓！一坐低無耐，沙律到，ok好食，亮點是加左櫻花蝦。之後有件小食係牛肉碎米通，幾正！跟住係湯，幾特別是咖哩薯仔，有少少似飲緊咖哩汁，ok好飲，有啲卓頭，送湯有舊蒜蓉包。再嚟是薯條和炒磨菇，是牛扒的sides ，薯條顏色較深，油似用了一段時間未換，點醬除了茄汁另外仲有兩款是homemade，一款好似是腐乳，另一款辣辣地好似係明太子，腐乳點薯條幾得意，算係學到野，下次試吓帶樽廖孖記去麥當勞。以上呢幾款野都搞咗成個鐘頭，正在擔心食得太多立雜野食唔落牛扒嘅之際，牛扒送到。四個人有三樣牛扒食，紐西蘭、美國和日本。一般來講和牛最正，美國排第二紐西蘭是渣嘢。呢度啱啱調返轉，反而最渣嗰舊紐西蘭整得幾好，柔軟又滑又多汁，美國嗰件Oyster Blade好似有少少overcooked，有
第五波「愛未乾」疫情之下風聲鶴唳，再加上新購的艾風和無敵5G plan，終於book到位，可喜可賀！Steak Omakase 每人五舊八仲唔駛加一，剩係「廚師發板」呢個偉大概念都值五舊，加上唔收corkage，一眾酒鬼更是歡喜若狂，摩拳擦掌，準備大擦一頓！
一坐低無耐，沙律到，ok好食，亮點是加左櫻花蝦。之後有件小食係牛肉碎米通，幾正！跟住係湯，幾特別是咖哩薯仔，有少少似飲緊咖哩汁，ok好飲，有啲卓頭，送湯有舊蒜蓉包。再嚟是薯條和炒磨菇，是牛扒的sides ，薯條顏色較深，油似用了一段時間未換，點醬除了茄汁另外仲有兩款是homemade，一款好似是腐乳，另一款辣辣地好似係明太子，腐乳點薯條幾得意，算係學到野，下次試吓帶樽廖孖記去麥當勞。
以上呢幾款野都搞咗成個鐘頭，正在擔心食得太多立雜野食唔落牛扒嘅之際，牛扒送到。四個人有三樣牛扒食，紐西蘭、美國和日本。一般來講和牛最正，美國排第二紐西蘭是渣嘢。呢度啱啱調返轉，反而最渣嗰舊紐西蘭整得幾好，柔軟又滑又多汁，美國嗰件Oyster Blade好似有少少overcooked，有啲嚡口，件和牛最好笑，因為差唔多係零油花，居然有啲靭靭地，算係增廣見聞！
整體嚟講，網上book位夠曬刺激，咖哩汁當湯亦很新奇，腐乳點薯條又得意，免加一，唔收開瓶，櫻花蝦沙律我食左三碟，嚟緊幾個月我都唔會食樱花蝦了，和牛又靭，紐西蘭牛扒卻又軟又滑…..咁多樣嘢加埋，就係一次不錯的體驗了。
但，一次就夠。
18 瀏覽
0 讚好
0 留言
由左至右是NZ，US，Wagyu。NZ 好食又份量最多可算抵食夾大件
張貼
