響 居酒屋 (已搬遷) 新店位置

有聽過朋友介紹話呢間幾好，就打個電話過去問一問有無位，聽電話嘅態度已經唔多好，「電話幾多」，「只留15分鐘」，口吻已經令我覺得好差！價錢有70至百幾元都有，一般觀塘都要呢個價錢。我點咗咖哩豬扒飯，我啲同事已經差唔多食哂，都未上，追第一次話即炸要時間，同事食完我再追，轉頭就有（仲要我中間見過有人同樣係炸物丼已經一早出哂）。味道可以，唔太差。其中一位同事突然爆左句，見到碗底有片嘢，唔知係膠片定玻璃片，差啲食落肚。叫個男職員，話轉頭黎，唔見人。只係輕輕講左句取消單，有咩想食就走左佢。我睇個男職員都係快快拎走扔左佢就算，就唔再行過我地個位。服務態度好唔好，都會影響食慾，我聽電話已經好嬲，又唔可以係合理時間內送餐同飲品，真係好嬲。