影片
更多
2009-01-12
34 瀏覽
昨日星期日, 我同老公想飲茶, 於是去了聞名已久,但係一直都沒去過的陸羽先說訂座, 我先打電話去, 佢地話已full曬, 無位, 亦無得訂, 我話walk-in等得唔得, 個男人話我唔知, 答唔到你, ok, 又係個種老字號串咀服務態度, 我well expected, 都想一試d食物, 就照去試試.我一入地下個層, 個阿叔就話無位, 叫我自己上二, 三樓睇, 我諗佢地係無對講機嘅, 不過我老公抱住個女, 我又大肚, 咁樣叫人行上去睇都已經令人感覺唔舒服.之後到二樓, 我話要位, 另一個阿叔先不作理會, 我再問佢才施施然點我地去洗手間旁的枱!我問點解旁邊幾張枱無人都唔坐得, 佢話有人訂了, 我心想"頭先你地係電話又話無得訂位!" 我諗d位係留比熟客嘅, 我都明白有d酒樓係咁...不過自問衣著講究, 好少見d服務會咁差...去到三樓我先有枱, 之後我地剔點心啦, 張點心紙好舊式, 好似係個個星期轉嘅, 我就點了以下食物:- 奶黃包, 奶黃算ok, 唔係流沙個種, 一般好味- 蘿蔔糕上桌時居然係凍嘅, 味道都係一般- 蒸排骨, 肉質夠稔, 但d汁唔知乜味, 算係最好食嘅點心- 叉燒包同奶
昨日星期日, 我同老公想飲茶, 於是去了聞名已久,但係一直都沒去過的陸羽
先說訂座, 我先打電話去, 佢地話已full曬, 無位, 亦無得訂, 我話walk-in等得唔得, 個男人話我唔知, 答唔到你, ok, 又係個種老字號串咀服務態度, 我well expected, 都想一試d食物, 就照去試試.
我一入地下個層, 個阿叔就話無位, 叫我自己上二, 三樓睇, 我諗佢地係無對講機嘅, 不過我老公抱住個女, 我又大肚, 咁樣叫人行上去睇都已經令人感覺唔舒服.
之後到二樓, 我話要位, 另一個阿叔先不作理會, 我再問佢才施施然點我地去洗手間旁的枱!我問點解旁邊幾張枱無人都唔坐得, 佢話有人訂了, 我心想"頭先你地係電話又話無得訂位!" 我諗d位係留比熟客嘅, 我都明白有d酒樓係咁...不過自問衣著講究, 好少見d服務會咁差...
去到三樓我先有枱, 之後我地剔點心啦, 張點心紙好舊式, 好似係個個星期轉嘅, 我就點了以下食物:
- 奶黃包, 奶黃算ok, 唔係流沙個種, 一般好味
- 蘿蔔糕上桌時居然係凍嘅, 味道都係一般
- 蒸排骨, 肉質夠稔, 但d汁唔知乜味, 算係最好食嘅點心
- 叉燒包同奶黃包差唔多, 叉燒涵不覺特別好味
- 雞扎- 無特別, 唔精緻, 最難食係舊叉燒, 好厚又鞋拾拾
- 粉果 - 皮厚無味, d料亦無味, 最難食
叫了普"餌"茶幾香.
如果我唔知呢度係陸羽, 我一定以為係d舊式屋邨酒樓, 洗手間都舊(我認為舊的環境不是問題), 但食物真是非常普通, 一d都唔特別, 仲要係幾難食. 但生意又好好喎, 外籍人士, 香港人到處都是. 我真係一d都唔明.
出面大部分食肆都好過佢. 我以後唔會再去...
埋單接近$300, 唔係貴,不過以咁嘅食物, 服務, 我就覺得唔值.
張貼