茶木‧台式休閒餐廳 (已結業)

之前聽說呢到D牛肉麵好出色, 今日同朋友黎呢到試下, 平時1點食飯時間排晒長龍, 今日12點半黎, 好彩不用排隊。一直都好喜歡台灣牛肉麵, 好鍾意佢地既牛肉帶點牛筋, 炆到夠淋夠入味。我同朋友都點左牛肉麵, 牛肉得3舊, 其中1舊又韌又硬, 好似橡皮咁, 見咁貴一碗麵, 唯有頂硬上食埋落肚, 另外個2舊都唔好得去邊, 肉鞋口的, 個湯底就ok濃, 麵就淋淋地, 蘿蔔唔夠淋。$60一碗真係好唔抵食。酸梅汁同玫瑰花茶都ok好飲。咖啡蛋糕就一般, 唔夠香濃, 唔夠軟滑。